23-08-2008, 11:53 AM
|
المشاركة الأصلية كتبت بواسطة مدام الاء
مششششكوره اختي على الموضوع  والله هاد القسم بخلي الواحد يفضفض عن حالو انا بحس بالتميز بس للأسف مده التميز لا تتجاوز اسبوع او 10 ايام  بكونو الناس متشوقين يشوفو المغترب وبكونو ما احلاهم  بعد اسبوع بحس الواحد حالو غريب  برجع كل شي متل ما كان في كتير ناس كنت أتواصل معهم بالنت او مسجات واتصالات وبكونو ما أحلاهم وهم بعاد بس لما تشوفيهم بقلبو بسرعه مرات كنت أقول لزوجي يا ريتني اضل أتواصل مع الناس عن بعد أحسن من لما أشوفهم وكمان الواحد بكون جايب هدايا ومبسوط وبحب يبسط الي حواليه وانو احنا متزكرينهم وانهم دايما على بالنا و بس تعطيهم الهديه بوخدوها وبيديرو ضهرهم لا حمدا ولا شكورا واذا شافو مع حد تاني شي جديد بيصيرو يسألو من وينلك بقولو الاء جابتلي ياها وبعدها بتبلش المقارنات ليش انا هديتي اقل ليش جايبه لفلانه احلى مني ومن هالحكي وطبعا بوصل الكلام الي بسرعه وعنجد بدايق .. الواحد بيضل بالسوق شهر يتسوق قبل الاجازه وغير المبالغ وغير التعب ولا حمدا ولا شكورا ...والله حلفت اني ما جيب لحد شي المره الجاي وازا بدهم يعلقو علينا يعلقو احنا على جميع الاحوال مش خالصين والانتقاد موجود علينا دايمابالرغم اني بحب شوف فرحه الاطفال لما تعطيهم هديه بقيسها على نفسي لما كنت صغيره كنت افرح لما يجيني هديه من مغترب و كمان على قوله أخونا ابو احمد((وكأن الغربة توجد فيها الأموال ملقاة في الطرقات وما علينا المغتربون إلا أن نعبئ الأكياس بالدولارات )) كلامو مزبوط وبضيف تشبيه آخر كأنو بنلقط الفلوس عن الشجر....والحسد موجود والاتهامات بالغرور موجوده ب ....الخ والله انو الواحد بحب يرجع على بيتو بسرعه بحس الفرحه بتروح بسرعه والله دايما كنت أسال حالي ياربي انا متغيره ويلا هم متغيرين آسفه على الاطاله تحياتي لك |
| مواقع النشر |
| الكلمات الدليلية |
| مميز, اذا, انت |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري