السلام عليكم

يا اخوتي واخواتي انا متضايقه لابعد حد

يمكن الواحد لو غلطان يستاهل يجي احد يزعل عليه

او حتى الغلط يكون يستاهل

زوجي كل هالعطله راحت لاروحه ولاجيه .. وطلعنا مره وحسيتها بالغصب ..

الله يهديه ابد مو محسسني انا وبنتي بالجازه زي الناس.. صح انه مشغول واشوفه شلون مضغوط.. بس اهل بيته لهم حق

انا والله لو يجي للبيت ويقعد معنا بدون طلعه انا رااااضيه لكن الشكوى لله .....

راح يومين شغل برا المدينه...بس للاسف ماخلصه ... اهلي كانوا بيطلعون واصلا هم كل يوم يطلعون.. ولا ادري هو متى بيخلص ويرجع

حتى اتصالاته علي قليله ... ولا حسيت بشوق ولا سؤال عننا عاااااادي

المهم طبيعي اطلع معهم ... وزوجي معودني انو عادي اروح معاهم لاي مكان .. مرات استاذن ومرات لا ((خاصه لاكان مو بالديره))

وعمره مازعل على هالشي وبالعكس لما اتصل استاذنه ((أحس)) كأنه يقول ايه روحي وشوله تتصلين.. ومرات لا ... مدري شلون هو

وتعرفون انو الواحد اذا رايح شغل وقته يصير ملخبط اذا جا من شغله بينام

ارسلتله رساله قلت ياليتك تشتري لحبيبة قلبك جوال على ذوقك... لاني من زمااااااااان ودي بجوال جديد .. خاصه جوالي يعلق كثير...

((طبعا الرساله بكل دلع .. ورجاء))

المهم طلعت عادي

ولما شفت قرب الليل ماإتصل .. اتصلت عليه .. اسال عنه ..وواضح صاحي من النوم .. قلت خلاص قلبي ما اطول عليك بس قلت بشوف وشلونك واتطمن عليك

سكر عادي وقال يمكن امشي اليوم

اتصل علي الساعه8بالليل قال .. ماشي بالطريق .. قلت توصل بالسلامه وحنا طالعيين مع الاهل نغير جو (المكان شوي بعيد)
قال طيب مع السلامه

ارسل لي الساعه9 قال

لاتتاخرون عشان تلحقين تتزبطين لي <== ماحسيتها شوق لي بس عشان يضايقني

قلت ان شاء الله مانتاخر بس اشوفهم لسا ماضبطوا العشا

ارسل: خيران شاء الله بس الاصووول ماتطلعين بدون اذني

لما صارت الساعه11 بالليل ارسل لي وصلت .. انا ماشفتها .. بعدها بربع ساعه جتني رساله ثانيه

كاتب فيها طبعا ماتقدرين تقولين لاهلك رجعوني بالبيت .. لكن انا اعلمك وشلون تطلعين من البيت بدون اذني خلك عند اهلك..

انا بطلعتي هذي احس الوناسه قلبت اتعس تعاسه والبنات لاحظوا علي .. وربي رحمت نفسي .. انا كان قلبي عليه وهو كذا بكل بساطه بيحطني عند اهلي عشان غلطه سخيفه

كأني ماقريتها وقلت بدخل عليه بالبيت واروقه

تعطلت السياره بالطريق وحنا راجعين تقريبا ساعه ونص

وصلت البيت لما جيت لقيته مقفل الغرفه وواضح انو نايم

افتح بمفتاحي مايدخل لان فيه مفتاح جوا المهم طقيت وربي لين عورتني يدي .. احس كان يسمع بس مدري وش قصده

فتح الباب بعد ربع ساعه يمكن .. ورجع ينام ولاكاننا جينا

قربتله قلت سلامات احسب فيك شي ... شفيك؟

قال وخري وطفي النووووووووووور

سحبت نفسي وطفيت اللمبه ورحت لغرفه اللي جنبه ونومت بنتي وهو ولاكانه يدري عننا ونايم

الله يسامحه

قلت اصبري لين يصحى

لما صحى جهزت ملابسه واغراضه

قام ولا يناظرني .. بعد ماصلى اللي فاته قربتله وحبيت راسه قلت معك حق انا غلطت واوعدك ما اعيدها

ويهز براسه مافهمت .. بس كانه يقول خلاص بس بعدي

واروح معه وين مايروح واعتذر لما وقفت قدامه قبل يطلع قال خلاص انا بطلع .. ورااااااح وانا انعصر من القهر

اتصلت بعد ماطلع بساعه ولارد اول مره والثانيه عطاني مشغول ........ وانا وربي اكتب ودموعي على خدي

ما ابي يصير بيننا شي... وما اظن اللي سويته شي يستاهل