بين نارين .. بسبب الحزازيات بين أخي و زوجي
السلام عليكم
والله مادري كيف ابدأ المصيبه اللي حطني فيها زوجي
انتوا عارفين المشكله اللي بين اخوي وزوجي او الحزازيه اللي بينهم
لمن تقدم لي ولمن جاني اخوي وتكلم بموضوع الانجاب وزعل زوجي لاني لم اجيب اخوي
واقله اننا سليمين
امس ارسلي اخوي مسجات كثيره كلها شتم وتهديد اثاريها رسايل من زوجي لاخوي
واخوي ارسلها لي وقلي شوفي اللي حاربتينا على شانه؟
انا انحرجت وارسلتله اعتذار
وانتظرت زوجي يرجع كان برا مع اصحابه
ولمن رجع واجهته بالرسايل قال مالك دخل وهذا موضوع بيني وبين اخوك
انا قلت لا معليش
وترى شرطك انا راح انقضه وانا بزوره وبتقبل هداياه واتصالاته
واللي تبي تسويه سويه انا مايهمني
هو عصب وقال والله الطمك لو كررتي هذا الكلام
قمت كررته وقلت اللي ماله خير في اخوه ماله خير في احد
واساسا انت شخص حقود
اخوي كان معترض عليك وبعدين وافق ورضي
ليش انت مصر تبني الحواجز
قال انا حر قلت انت مو حر
انت مريض نفسي
واذا انت حر فأنا كمان حره
وعلاقتي بأهلي ماتتدخل فيها ابدا
وتركته ورحت المطبخ قام ارسلي رساله
قال انا جوعان ممكن تسويلي اكل؟
قلت لا
اطلب من برا ولا نام بجوعك احسن
ولحقني عالمطبخ وكملنا خصام هناك
وقلنا كلام كثير اخرتها قلت انا فعلا سرت افكر بالطلاق
لانك انسان متعب
تفكيرك وكلك
وطلع من البيت زعلان وللان مارجع
وانا تعبت والله احس بصداع وارهاق
ارجو انكم تحكمون بيننا وانا رراضيه بالحكم؟
انا تنازلت كثير بسبب وضعه
ولكنه يتمادى واعتقد انتوا لاحظتوا هذا الشي؟
من جد انا تعبت لان المشكله هي نفسها دايم تتكرر
اهلي واخوي وحساسيته منهم
رغم ان اغلب اهلي يحبوه الان ويعاملوه بكل احترام
واهله انا عمري ماتدخلت فيهم ولا بمشاكلهم
تصدقون انا من فتره طويله مارحت لاهلي واذا رحت ما اطول
لانه يتضايق اذا طولت
فكنت اداري عليه واحاول ابين له اني معه
ولكنه فهم اني ضدهم
فوق كل هذا مايطلعني مكان
وانا صابره وساكته
وكثرت مشاكلنا وخصامنا لنفس السبب
انا تعبت وابغى حل نهائي
لان اعصابي ماتتحمل اكثر
ولو تهورت وعصبت فلن ارحمه لاني اعرف نفسي
انا بطبعي جدا عصبيه
اتمنى ان اجد عندكم حل او بداية خيط للحل
وشكرا
عفواً تم تعديل العنوان ليتضح المضمون
الإشراف
التعديل الأخير تم بواسطة cutiepie ; 17-08-2008 الساعة 06:52 AM
17-08-2008, 06:44 AM
ضوابط المشاركة
العرض الشجري