شوربه كريمه الفطر بالدجاج
هذا تطبيقي لبيتيفور اللذيذ الشكل مو تمام بس الطعم لذييييذ ومقرمش وعيالي حبوووووووووووووه وزوجي ما يحب البيتي فور بس اكل منه
زوجي هالفتره عنده مشكله بالبلعوم لذلك حولت تخصصي شوربات لانه يحبها وتصلحله خصوصا هالفتره
وهذي طريقه جدا حلوه لشوربه كريمه الدجاج بالفطر
1. نسلق صدر دجاجه وبعد ازاله الزفره نضيف حبات صحيحه هيل وعود فلفل جار جزر فلفل بارد وبهارات مشكله ونتركها نصف ساعه
2.في طنجره اخرى نضع بصل مفروم وفطر طازج (وترا الطازج يختلف عن المعلب كتييييييير) مقطع ورشه ملح وفلفل اسود ونغطي الطنجره 5 دقايق
3.تم نفتح الطنجره ونضيف ملعقه زبده ونقليه الى ان يذبل البصل والفطر ويحمر نفتت الدجاج ونضيفه على الفطر ونقليه ونحط بهارات (كمون كزبره ناشفه مطحونه.توم بودره .بزار دجاج .ملح .فلفل اسود ) ونخليه الى ان ينشف تماااااام
4.نرفع الخلطه من الطنجره ونضيف 4 ملاعق اكل زبده و4 ملاعق اكل طحين ونخلطهم ثم نضيف مرقه الدجاج بعد ما صفيناها بمقدار 3 كاسات واذا ما كفت نضيف ماء ونضع كاس كريمه الخفق ونص كاس ماء مذاب فيه ملعقه كبيره نشا وجوزه طيب مبروشه طازجا بمقدار ملعقه صغيره ونخلطهم الى ان تبدا تثقل
5. ثم نضع خلطه الدجاج والفطر ونقلب ونخليها تغلي على النار 10 دقايق حتى تثقل وتتداخل نكهه الدجاج والفطر بالشوربه وبقدم ساخنه مع رشه كزبره خضراء مفرومه
وياسلام مع اليمون والشطه خياااااااااال
__________________
كل عـــــــــــام وانتم بخير
13-08-2008, 12:20 AM
ضوابط المشاركة
العرض الشجري