هذي قصه اخت لنا في منتدى اخر موقف وفاه امهما

احزنني وابكاني رحمها الله رحمه واسعه وصبر اهلها

كتبتها حتى ناخذ العضه من هذه الدنيا الزائفه وايضا لندعو لها ولجميع اموات المسلمين

اللهم ارحمهم يا ارحم الراحمين


امي ماتت واحترق قلبي بين الضلوع أمي ماتت وان طفت كل الشموع ماتت امي وتركتني كأني طفل يتيم... الدموع الي من عيني تحرق الخدود ....والقلب ينزف ماله علاج .............................. ..............................
امي كانت حنونة علينا كثير كل يوم تتصل علينا بالهاتف تجلسنا للمدارس وتتصل بالليل تسأل عنا وعن أخبارنا تحب الصغير والكبير قلبها ارض خضرا كل من يجلس فيها يأنس سبحان الله كان فيها ميزه صعبة لا توجد إلا في القليل من الناس ما تعرف الكره حتى ولو ظلمها احد تسامح حتى لو يأكلون حقها إذا قلنا لها يمه أفلان ظلمك قالت بابنتي الله موجود وإذا قلنا يمه خذوا حقك قالت وسخ دنيا دايم تصلي وتقيم الليل كل ليلة ولا تحب تكلف على احد ولا تحب احد يخدمها ولاشتكي لأحد حتى يوم شد عليها الألم يمه شلونك قالت الحمد لله ... .............................. ....... من أربع شهور ابوى مرض الله يشفيه وكانت اهي اللي ترعاه لان ابوى رافض احد يخدمه غيرها وكان . يبرز . أكرمكم الله على فراشة واهي الي تنظفه والله ما كانت تشكي منة ولا من ريحته كانت صابره محتسبة كان فيها ورم صغير فوق الغدة الدرقية من اربع سنوات ومن كثر ما كانت تخدم ابوى وتقضي حاجتة كبر الورم بشكل مخيف حتى الأطباء استغربوا كيف يكبر خلال شهر بهذا الحجم بعدها أمي شدة عليها الآلام وديناها المستشفى ونوموها على طول سوو أشعه حصلوا الورم انتشر في الراس والرئتين ..... أول أسبوع في المستشفي كانت تتالم .مرة صداع .مرة الم في الصدر وكانت تقيم الليل رغم الألم الأسبوع الثاني زاد الألم وأنا وأخواتي كنا نتناوب على أمي كل كم ساعة تحي وحدة كنا 3 وأحيانا مرت اخوي الله يجزيها خير .................خلال هذى الفترة يعنى شهر كامل وأمي تنام على جنب واحد لان الورم انتشر وصار في الراس ما تتخيلون الألم الي تشعر فيه كنا كل يوم نبكي عليها بحرقة .......لما صار الأسبوع الثالث أمي صارت تاخذ النفس بصعوبة بالغة والله نشغل مروحة ونهف عليها بالكرتون......... والمكيف بارد حتى نتجمد من البرد ..وأمي مليانه عرق كنا نقرا عليها القران بدون انقطاع ونتصدق كل يوم وكان الدكتور يستغرب يقول أمكم هذي شلون تتنفس طول هذي الفترة لان النفس بالجهاز ممتاز طبعا هذا بفضل القران والصدقات بس لان الورم على الرقبة كان مسوي اختناق زى لما احد يحط يده على رقبتك ويزنطك ...وهذا الاختناق بس الاسبوع الثالث من مكوثها في المستشفي في أخر الأسبوع أمي اختنقت كثير وقالت لي نادي أخوك بسرعة هذا اخوي أمي تحبه كثير الله يطول بعمره ونادي أخوانك كلهم اتصلت عليهم وانا ابكي ومنهارة وجاى اخوى الا امي غيبت قعدت ابكي واقبلها واقول لها يمه سامحيني يمه إنا احبك يمممممممممممممممممممممممه غيبت امي خمس ساعات والله كنت اذا قربت من اذنها وقلت لا اله إلا الله ترفع إصبعها وهي مغيبة جاو خواني المغرب حاولوا يصحونها والدموع تملا العيون والآهات تملا المكان يمه يمه ردي يمه قومي وسط ذهول الجميع امي تكبر وتصلي وهي مغيبة والله ثم صحت يمه وش اتسوين قالت أصلي ..............بعدها صحت ترد بس ما تحس بأحد إذا قرينا الأذكار رددت إذا هللنا هللت وبعدها بيوم تغيب وتصحا وصلت مرة ثانية وهي مغيبة ما تحس إلا إذا كلمناها يمه انا فلان حركت يدها حركة خفيفة في صباح الجمعة كانت أختي عندها قالت لها نادي أخوك واتصلت أختي علية وجا مسرع.. لما وصل قالت له أمي بموت اخوي أنصدم وقف مكانة وقال لها يمه إن شاء الله بطيبين جا وخذنا ورحنا عندها وإحنا ما ندري بالي قالت لأخوي قالت امي ابي دكتور نادوه بسرعة نادينا الممرضة وجات وشافت الضغط قالت زين ثم شافت النفس وشفته انا ضنيت الجهاز خربان صلحت الجهاز الممرضة تبي تتأكد طلع الجهاز سليم النفس 70 ومفروض 100 الكل صرخ يمه يمه الممرضات يركضون يغيرون جهاز التنفس النفس صار 40 والبكاء شد وسبحان الله رجع 80 في لحظات وصار العصر والأمور على ما هي والكل ماسك القران ويقرا كنا تسعة الكل يقرا وينفخ عليها وهي مغمضة وتقول تعبت تعبت ويوم جا المغرب صار النفس 60 اخوى في ها لحظة قراء الأذكار كلها وكانت ترد وراه وهي في سكرات الموت وفي حاله ما يعلمها إلا الله وكان الكل يقراالقران ويبكي مثل الطفل الي خذوه من حضن أمه ويوم صارت الساعة 8 العشا سمعها اخوي الأذان من الجوال ورددت ورا الأذان كله وقرت دعاء الاذان و بغمظه عين والله الذى لا الة الاهو صار النفس صفر وهو مفروض ينقص بالتدريج صار صفر( الساعة 8 اختي صرخت يمممممممممممممه يمههههههه لا تهدينا وتروحين وطاحت على الرض انا شعرت بادنيا تدور وصرخت يييييييمه يمهههههه لاااااااااااا وطحت على الارض الكل يبكي الكل يتألم جات الممرضة وصبت عليها ماي ولابستها الكفن وبلاحظات والله تغير وجه امي المنتفخ المتألم الى وجه راضي والله ورب السموات والارض امي تبسمت ونور وجهها لا اله الا الله وظهرت اسنانها وبعد ربع ساعة من موتها والله رفعت السبابة بشكل مرتفع وصرخ اخي الله اكبر الله اكبر امكم تضحك وترفع السبابه دفنت والله وهي تضحك والسبابة مرفوعة رافعه الكفن والوجه مضيئا هنيئا لكككككككي يااماه هنيئا لك امااااااااااااااااااه

.............................. .............................. ....
جتني الاخبار في اخر السبوع
وانتهى فكري مع اخباري وضاع
...
كل قلبي محترق بين الضلوع
والسبب نار الحزن والألتياع
...
ماتت أمي وأنطفت ذيكِ الشموع
وابتدا حزني بأيامي وشاع
...
ماهنى لي زاد ورقاد وهجوع
عايشٍ في هم واكدار وصراع
...
المصايب جتني من كل نوع
بس موتك يا حياتي لي ضياع
...
كل ساعتي بعد موتك سبوع
والثواني كنها موت و وداع
...
بعد موتك هلت عيوني دموع
كل دمعي بحور وأحزاني شراع
...
صرتِ من دنياي يا يمه قنوع
دنيتي بعدك حسايف والتياع
...أمي شريفه يا بعد كل الجموع
في حشاي يوفي لك حصون وقلاع
...
يا قمر عمري يا شمس الطلوع
يا حنين القلب يا نور وشعاع
...جعل ربي يرزقك ذيك الربوع
في جنان الخلد جناتٍ وساع
...
بين أنهار واغصان وفروع
عند ربي خالق الكونالمطاع

ادعوا لامي بالرحمة وان يجمعني فيها بالجنة وادعوا لي اصبر على مر الفراق وآسفة إذا فيه أخطاء في التعبير لن حالتي صعبة اهاه عليك يا بعد روحي ودمي والي يحب ينقلها للفايده ينقلها ويكتب منقول

هذه الآيات تصف ما راءيت من أمي بدقة عجيبة عجيبة ليسا لها مثيل سبحان الخالق
فَلَوْلاَ إِذَا بَلَغَتِ الْحُلْقُومَ ( 83 ) وَأَنتُمْ حِينَئِذ تَنظُرُونَ ( 84 ) وَنَحْنُ أَقْرَبُ إِلَيْهِ مِنكُمْ وَلَـكِن لاَّ تُبْصِرُونَ ( 85 ) فَلَوْلاَ إِن كُنتُمْ غَيْرَ مَدِينِينَ ( 86 ) تَرْجِعُونَهَآ إِن كُنتُمْ صَـدِقِينَ ( 87 ) فَأَمَّآ إِن كَانَ مِنَ الْمُقَرَّبِينَ ( 88 ) فَرَوْحٌ وَرَيْحَانٌ وَجَنَّتُ نَعِيم ( 89 )وَأَمَّآ إِن كَانَ مِنْ أَصْحَـبِ الَْيمِينِ ( 90 ) فَسَلَـمٌ لَّكَ مِنْ أَصْحَـبِ الَْيمِينِ( 91 ) وَأَمَّآ إِن كَانَ مِنَ الْمُكَذِّبِينَ الضَّالِّينَ ( 92 ) فَنُزُلٌ مِّنْ حَمِيم ( 93 ) وَتَصْلِيَةُ جَحِيم ( 94 ) إِنَّ هَذَا لَهُوَ حَقُّ الْيَقِينِ ( 95 )فَسَبِّحْ بِاسْمِ رَبِّكَ الْعَظِيمِ ( 96 )

__________________