السلام عليكم ..

ما بعرف كيف ابتدي الموضوع ومن وين البتدي .. انا حائرة جدا ومش عارفة كيف اتصرف ومشكلتي اعرف انه الكثير واجهوها و انا على فكرة بواجه هاي المشكلة لثالث مرة وهو السحر و العمل ..
انا متزوجة من سنتين وانا و زوجي جدا متفقين و الحمد لله و هو رجل ملتزم و الحمد الله .. يحترمني و يحبني .. من فترة صار زوجي كتير عصبي و دايما عنده صداع عمل صور للراس و تحاليل و تخطيطات الاطباء كانو يحكوا مرة حالة اعصاب و مرة بداية شقيقة الخ ... من كم يوم اصريت نروح عند شيخ للرقية الشرعية لانه احنا مجربين السحر مرتين قبل هاي المرة و تبين انه زوجي معموله عمل و العمل مش جديد العمل معمول لتقوية العمل الثاني الي شفي منه زوجي .. و اللي حكاه الشيخ انه في شيطان متوكل في البيت و ارواح سفلية .. انا نفسيتي بصراحة منهارة .. مش عارفة كيف بدي اتعامل مع زوجي مزاجي كتير صاير بسرعة بعصب بحس انه مش قادر يسمع صوتي و بحس انه بكابر في نفس الوقت بحاول اساعده بس مش قادرة .. هو كل شوي بتغير .. انا حامل هلا في الشهر التاسع و على وجه ولادة خلال الاسبوع المقبل نفسيتي جدا تعبانة و منهارة خايفة بعد الولادة امورنا تتعقد و تزيد مع العلم انه زوجي بروح لجلسات عند الشيخ و الشيخ ما قدر يعمل معه اي شي و هلا بدهم يجربوا الحرق بالاعشاب ..
شو اعمل كيف اتعامل مع زوجي انا كتير خايفة و خايفة يكون العمل عشان يفرق بيني و بين زوجي .. كيف احسسه اني حاسة فيه انا دايما جنبه و مابتركه و دائما بخليه بحضني و بخلي ايدي على راسه و بقرأله قران بس بحسه احيانا بضايق مني .. شو اعمل و الله تعبت كتير
ساعدوني .. ما في حد احكي معه عن الموضوع ما حكيت لحد و ما بدي حد يعرف سواء من اهلي او من اهله .. ساعدوني

__________________

اللهم اجعل زوجي حبيبا حليما كريما هيناً لينًا معي.
اللهم اجعلني عونا لزوجي على طاعتك واجعله عونا لي.
اللهم يا مؤلف القلوب الف بين قلبى وقلب زوجى برحمتك يا ارحم الراحمين
اللهم حببني الى قلبه وجملني قي عينه واستر عيوبي عنه واستر عيوبه عني وألف بين قلوبنا واجمعنا في الفردوس الأعلى من الجنة.



******