زواج ناقص\\\\\مراحل متقدمة من القصه
السلام عليكم ورحمة الله وبركاته
اخواني واخواتي الاعضاء انا سبق وكتبت موضوع بعنوان زواج ناقص وهذا الرابط تبعه
http://www.66n.com/forums/showthread...C+%E4%C7%DE%D5
والان اكمل لكم ماحصل لي بعد تلك الاحداث واطلب منك المشورة واسأل الله ان يجعلها في ميزان حسناتكم
حصل موقف بين وبين زوجي خلال العلاقة الحميمة الموقف هذا انه ماقدر يكمل الموضوع وعجزت عن المجاملة فيه لاني طفشت من سنتين مجاملة مع اني جاملت لكن مو مثل العاده يعني
اللي حصل ان زوجي تأثر جداااااااا وتعبت نفسيته ومن بكره راح لطبيب نفسي
الحقيقه انو هو حملني كل المسؤوليه ليه مادري وصار يفتعل مشكلات معي لاتفه الاسباب وقاطعني لفترة طويلة جدا مايكلمني ولا حتى يسلم علي ولا ياكل من طبخي ولا يجلس بالبيت الا وقت النوم مع اني مغتربة ولا عندي احد وتتعب نفسيتي جدا من هالوضع وماتحمل
حاولت اراضيه مع اني ماغلطت لكن لاني اعرف ان رجولته انهزت من الاعماق لكني جيت على نفسي وحاولت اراضيه قال انه الان يكرهني ومايبغى يكلمني حتى وصار يرفع صوته علي ويقولي كلام جارح
انا بصراحة جلست ابكي لاني ماتوقعت انه يلومني على شي ربي بلاه فيه ومالي يد خصوصا اني كنت اعتقد ان علاقتنا كأصدقاء كانت جيده لكن للأسف تغير هو بدرجة غريبه جدا واصبح يعتبرني عدوته اللدوده
اللي صار بعدها اننا استمرينا فترة طويله اكثر من شهرين مايكيلمني ولا يسلم علي وانا تعبت نفسيتي جدا لان ماعندي احد مثل ماقلت لكم
والان هو رجعني لارض الوطن ورجع معي وقال لامه تقولي انه يبغى الانفصال
والان هو خلاص ناوي ينفصل عني
وانا وضعي لا احسد عليه نهائيا خصوصا اني ماقلت لاحد من اهلي ولا يدرون عني وامثل عليهم ان وضعنا اوكي عشان ماضيق صدروهم خصوصا انهم من النوع سريع التأثر ولا عندهم حسن تصرف فاخاف يسيئون التصرف معاه
المشكلة الريئسيه ان زوجي رافض الحوار معي تماما وحتى ماقال لي انه راح طبيب نفسي الا في وقت هواش يعني ورافض يكلمني اوحتى يطالع فيني
الحقيقه انا اعتبره ضعيف نفسيا وماقدر يواجه الموقف فقال يهرب من الموضوع بالطلاق انا شوف كذا والان انا عاجزة عن التصرف او التفكير
اللي سويته اني رحت لامه وحكيت لها عن كل شئ خصوصا لما دريت انه يبغى الطلاق وقلت لها مشكلته الاساسية مع اني رفضت في البداية لكن لما شفت الامور تنتهي قلت لها عشان يمكن تفهم موقفه وتساعد بالحل وحلفتها ماتقوله اني قلت لها عن هالشي
الام موقفها محايد ماتعرف ايش تسوي
وانا مثلها خصوصا انه رافض الكلام معها بالموضوع ورافض يكلمني ويبغى الموضوع يتم بهدوء على قولته
انا عجزت القى حل بس ادعي ربي يفرجها علي لاننا وصلنا مرحلة نهاية لانه يبغى يطلقني ويرجع يسافر
وضعي ونفسيتي متعبة جدااا ولا اعرف كيف افكر حتى
اتمنى ممن يقرا رسالتي يفيدني برأيه ويارب تكون في ميزان حسناته
التعديل الأخير تم بواسطة ليتني اسلى ; 06-07-2008 الساعة 06:16 AM
06-07-2008, 05:39 AM
ضوابط المشاركة
العرض الشجري