السلام عليكم وررحمه الله وبركاته

مشكلتي كما في عنواني زوجي مسررررف

عجزت فيه والله عجزت فيه كل مااقوله لاتسرف انتبه لفلوسك ترانا بدايه الشهر يقول الله اللي يرزقني

هذا قنوط هذا عدم توكل على الله

طيب الله لايحب المسرفين

زوجي راتبه 5000 ريال اول مايطلع يصرف بدون تنسيق او تفكير للايجار وللمستلزمات

والمستلزمات
الايجار ب13 الف

الجامعه 5000 ريال

الانترنت اعلى سرعة مدري بكم

والفواتير

النادي والله مادري بالضبط
وطفلين يحتاجون حفايظ وحليب ومستلزمات البيت وامور تجي طارئه من تصليح سيارة من من

والحين الله يهدي طلع سيارة اقساط وصار الراتب 3000 ريال

بالله كيف بيكفي

وزيادة على كذا لما اقوله اشتر حبه كذا يشتري كرتون وانا اكون مو محتاجه الا وحدة

ولما اقوله مشتهيه كتكات يشتري شكولاطات ب70 ريال

اي شئ يبيه يشتريه بدون تفكير ولما اقوله عندنا كذا لاتسرف يعصب علي ويقول تبين احرم نفسي

واول ماابدا انصحه يعصب مايخلي لي مجال لحد ماصرت اطنش واقول خلاص هو ادرى مني

الحين الديون عليه وصلت 35 الف بسبب انه لما يجي الايجار او الجامعه يصحى ولا يلقى حل الا الدين

انا و ش اسوي ضايق صدري مرررررررة ماودي ان رجلي يصير كذا ماوديه انه يدين حتى اني مااطلب منه اي شئ ابداااا اخاف يزيد دينه

والله لي فترة طويله ماشريت ملابس واذا سالني اقول توني شاريه عندي وصرت استحي اطلع مع الناس طبعا هو لو يدري عني كان ذبحني لانه يقول انا استانس وانت لا ومحلفني بالله اني لو احتاجه شئ ولا اقوله انه بيزعل علي

ياناس ودي اوقف زحف الديون

تعبت من كثر ماانصحه ولا في فايدة

بعض الاحيان يسمع كلامي و يقول ماراح اصرف هاشهر الا 500 ريال وبعد فترة يمل ويرجع للاسراف ويقول

انا مااقدر اوفر
اقوله ماابيك توفر ابيك ماتتسلف عجزت منه مرررررة

مستحيل يبين لي انه ماعنده ولما اقوله معك قرو ش يقول معي خير

ادري انه هذا حلو لكن ماابي نحتاج ابدااااااا