09-06-2008, 07:44 AM
|
المشاركة الأصلية كتبت بواسطة ليتني اسلى
ام فهد انت ودك يرسل ورقتك لك ؟
خليني أقول 70% .... إيه ! اذا ودك فخليك على ماانت عليه ياقلبي اذا ماودك فتخيلي دق الباب الان وفتحتي ووجدتي ظرف ابيض وفتحتيه واذا به مكتوب طااااااالق بالثلاث قضاء الله وقدره ... وخيره من رب العالمين ... احب اذكرك ان هناك جاره وهي ساس البلا والله مدري ؟؟ ..... اللي أقدر أقوله الله يعطيها على قد نيتها ان خيرا ً فخير ... وان شرا ً فشر حطيها ببالك عمر الجاره ماتكون اخت مجربه وحده فوقي ووحده تحتي ما يحتاج .... أخذت درس وجاااااامد ... وتوبه ! اذا تبين اقص عليك بعض مكرهن تفضلي بالخاص اقهويك هناك والله ياليت .... ولي الشرف أتعلم منك! ام فهد فتشي عن السبب ليش يصرف على زوجته الاخرى وانت لا لأني موظفه وهي لأ ... لأنه طلب مني آخذ له قرض وبدون ضمانات ... ورفضت! لأني قلت له أنا لو أخذت قرض ماراح آخذه حتى لنفسي .. أنا راح آخذه لأمي لأنها بحاجه لزراعة كليه(عندها فشل كلوي) ومع ذلك ماقدر .. ماأكبر هذا في نفسه بل على العكس ... بكل وقاحه حاول يضحك علي..وقالي: خوذي لي القرض وأمك اذا إحتاجت خوذي سيارة وبيعيها .. واعطيها فلوسها !! والحمد لله اني كنت أعرف انه مستحيل اسوي كذا ! قلت له :أختك لما احتجتوا اخذت لكم قرض ماأخذت لزوجها ... بكل برود قال ليتك تجين ربع أختي ولو سمحتي لاتقارنين نفسك فيها !!!!!!!!!!! ربما سمعك بالهاتف قلتي شي او ربما فتحتي قلبك لوحده توقعتيها اخت وهي الله العالم ماأتوقع ... ولو فيه ... مافيه غير زوجته! في جرح بداخل زوجك من خلاله يعاملك بهالطريقه أتوقع سالفة القرض ... هو سيء لفي تعامله من الأول بس بعدها تعامله صار أسوأ !!! بعدين ذكرت انه يعدل بينكم بمعنى انه كما ضربك فقد ضربها يعني مو هي معززه وانت لا ياحبي لك ... والله ضحكتيني الله يسعدك ! طيب ولأمور الثانيه ؟؟؟ أغفلتيها؟؟ عموماً ..انا ضربني مرة وحده ... وهي يضربها دائما ً الشهاده لله .... بس مع ذلك ماخذه حقها .. تسبه وتلعن أهله .. وصلت فيها انها تجي من السفر وتمشي قدامهم بدون ماتسلم عليهم ومع ذلك يزعل منها فترة وبعدين يراضيها... وأنا اللي عمري ماقلتله لا ... والله وربي يشهد على كلامي ان أمه وخواته حاطتهم فوق راسي وعازتهم ومع ذلك ماأشوف منه تقدير لهالشيء ...!! يعني هي برغم انها تسبه وتسب أهله ومواقفها معاهم ينسى لها الشينه ... وأنا تقعد في راسه ويذكرني بها ... وما يموتني قهر الا إذا قالي : أنا راح أندمك على الحركه الفلانيه ... أو أنا راح أأدبك على اللي سويتيه .... وكأني ماأعرف الأدب أو ماني متربيه ! كأني طفله صغيره توها تتعلم أصول المعامله والذوق؟!!! تقولين دمعته نزلت لانكم بالشهور الاولى طب ياقلبي اللي يبكي زوجته باول يوم تدخل بيتها فيه يقوله تزوجتك علشان ابغى الخلفه وحطي الكلام هذا في بالك . الله يعينك بصراحه ..... وقلبي معاك .... عسى ربي يلهمك الصبر ونسيان كل ماعانيتيه مع زوجك.. انت يا ام فهد ماتبين تستسلمين وتسلمين لكل شي عندك له تفسير مغاير يعني تتعرفين انه يحبك لكن دموعه مو محبه كااااااااااانت محبه!! ... هو بنفسه قالي معد أحبك مثل أول وبسبب تصرفاتي اللي في نظره شينه! يعني ليه يسبني وأزعل .. ليه أنسى أحط غرض كان يبيه؟ ..و.. أشياء سخيفه... واللي يشهد علي ربي اني ماسويت شيء كبير .... اذا حقي مقدر أطالب فيه !! طيب انت استخرتي الله وتستغفرين وتقومين بالثلث الاخير تدعين الله والا لا ؟ انا قبل ماأجي لأهلي كنت أقرأ سورة البقره كامله وبعدها أستخير ... هذا لمدة شهر كامل لما جيت وقفت الأستخاره لأني توكلت على الله وقررت ... الدعاء ... إي والله أدعي ... بس مو له ولا عليه ! أدعي ان الله يدبرأمري من عنده لأنه هو وحده عالم بضعف قوتي وقلة حيلتي .. أدعي ان الله يكفيني شره بما شاء.. أدعي ان الله يحفظ لي عيالي وما يفرق بينّا أبد ..أبد والحمد لله الوتر من قبل ماأتزوج وأنا حريصه عليه ...سؤال يا حياتي يعني تتوقعين ايش يسوي اذا ارسلتي له مسج ؟ |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري