زوجي والماسنجر وموقفي من ذلك
السلام عليكم جميعا
أتمنى أن تكونوا بأحسن حال كانت لي مشكله سابقه وتناقشنا فيهاوساعدتوني
بحلولها ومنكم المؤيد على فعلي ومنكم المندهش المعارض حتى بعضهم نعنتني
بالبرود...
هذي المره زوجي بدأ في عمل جديد ومتوفر لديه الجهازالمحمول في مكتبه هو كان
مايهتم للمسنجر وهالسوالف بس انا رغبته فيه عشان نتراسل لما اكون عند اهلي ا
المهم لاحظت بعد فتره اهتمامه بالكمبيوتر واي شي يخص المسنجر من تحميل
واصدارات وهالسوالف ماعطيت الموضوع اكبر من حجمه لكن في يوم من الايام لقيت
في سجل المحادثات محادثه مع وحده وكان يتمسخر عليها وواضح انه باسلوب
ساخر وضحك وكان ايميله غير اللي اعرفه يعني واحد جديد طبعا زوجي من النوع
اللي يحترم نفسه ومبادئه وبنفس الوقت خفت ن اندفاعه صح ان اي واحد في
البدايه بهالسوالف يندفع وبقوه لكن مع مرور الايام بيمل وبيحس ان الشات تافه لكن
قلت في نفسي لازم الاقي حل بدون مااواجهه لاني اذا واجهته وقلت له ان هو
متعلق بالمسنجر وعن المحادثه اللي مع البنت ماراح استفيد شي الا انه بيشتري
لاب توب جديد وبيغير الباسورد ومن هنا مادري شقاعد يصير فقلت في نفسي مادام
هو مندفع لهالدرجه باخذ الايميل الجديد وبدخل اني وحده وبرغ طاقاته وحبه لي انا
حلاله ومن هنا اسمع منه الكلام الحلو ولايروح لحد غيري وايضا اعرف الوجه الثاني
لشخصيته لانه يمكن يسولف بجوانب حياته معها اللي هي انا وفيه اشياء ماراح
يسولف لزوجته عنها لان زوجي من النوع الساكت واجهل بعض جوانب شخصيته
امس بديت اول محادثه معاه وعرفت اشياء عنه ماكنت اعرفها وفهمته ان انا متزوجه
وعندي مشكله ان زوجي مشغول عني وكذا فقام يقولي اشياء يشوفها الرجال من
مرته وهي ماتنتبه وهذا اللي يخليه يبعد عن البيت طبعا هو كان بسولف عن حاله
وحال اي رجال وفعلا عرفت اشياء بيني وبينه انا كنت غافله عنها وهي سبب بعده
عن البيت .... ياجماعة الخير ناويه اتم فتره واخليه يتعلق فيني واكون معه يد بيد
بالنصح والارشاد والسوالف النظيفه وابين له الشخصيه الحلوه اللي فيني وهو مو
منتبه لها من 7سنوات وبعدها اذا شفته حب شخصيتي بتشيك اخر شياكه وبشوفه
بمكان بعيد عن البيت وبصارحه بكل شي حتى يعرف ان الشخصيه اللي حبها وافتتن
فيها موجوده عنده باليت وهو مو داري ولا حاس واني اتخذت هالوسيله حتى يكون
حبه وكلامه لي انا ومايطيح بالحرام وهذا كله من خوفي عليه... ادري بعضكم
مستغرب لكن هذا اللي سويته شوروا علي اللي سويته بمحله والا اواجهه ويتمادى
اكثر.... والله ولي التوفيق
تم تعديل العنوان ليتضح المضمون ..
الإشراف ..
التعديل الأخير تم بواسطة ملاك الغربة ; 12-05-2008 الساعة 02:49 AM
السبب: تكبير الخط + المباعدة بين الاسطر + تعديل العنوان
11-05-2008, 01:04 PM
ضوابط المشاركة
العرض الشجري