بسم الله الرحمن الرحيم

السلام عليكم ورحمة الله وبركاته ..

هذا اول موضوع لي .. واطلب من الله ثم منكم الطريق الصحيح .. حيث انني في مفترق طريق ولا اعرف ماذا اختار وماذا افعل في حياتي ..


أولا باختصار .. لقد تزوج علي زوجي من فترة سنتين .. باختصار اكثر ..


زوجي شعر بالنفور من هذه الزوجة الثانية .. وحينما اخبرني بانه سيطلقها

تفاجأ بأنها حامل


المشكلة الاكبر .. انها ليست من بلدنا هي من بلد عربي آخر .. من بلد والدته

وكل ما حاول يطلقها يقولون له الولد يتربى في هالفقر وعيالك من الاولى في العز


طبعا فرض شروطه عليها قالها انا ما اقدر اعاشرك .. ورضت .. قالها ما احبك ورضت

قالها مافي مصرف مثل الاولى ورضت .. وقالها انتي هنا فقط لتربية الولد ورضت ..

يعني تنا بصراحة مستغربة


المشكلة الآن .. طبعا انا غيورة جدا .. واحب زوجي وهو نفس الشيء ولكن طيشه للاسف وصلنا لهذه المواصيل


المهم .. انا حسيت ان بعد ما تزوج صرت اصرخ عليه عادي راضي وقام يرضى حتى باني اقوله اطلع من البيت مو طايقتك وطبعا هذا من نار الغيرة


وكل هذا يا اخوان يحز في خاطري جدا .. لان عيب اسوي جذي وانا بنت ناس بس في نفس الوقت ماني قادرة اتحكم في غيرتي واعصابي


ماني قادرة بالمرة وكل مرة اصالحه واحاول اكون عاقلة بس ماني قادرة


احس هذي مثل الفتنة في الدين


انا الحين قلت له خلاص انت بعيد ونا بعيد انا ما اقدر على هذي العيشة انا ما ارضى اغضب ربي هو يقول اني محللك ومسامحك وعافي عنك


بس انا شنو يظمني انه بالفعل مو منجرح من كلامي وتصرفاتي


وقلت بلا هذا الحب اللي بيفقدني ديني ورضيت ابعد عنه علشان ما اجرحه واغضبه واغضب ربي


ابي ربي يرضى عني حتى لو اني اصبر عنه وعن حبه بس المهم اني ما افقد ديني اهم شيء الدين


حتى انني تمنيت ان الله يكون خالق حبوب تنباع في الصيدلية للصبر علشان اصبر


بس ماني قااااادرة .. للصبر حدود خصوصا انني مريت بالكثير من المشاكل في زواجي


والله ماني عارفة شسوي


ان رجعت باغضبه واقوله كلام مثل السم اذا عصبت وغرت واذا هديته

العيال يبون ابوهم وهو يبيهم وانا بعد ابيه مثل ما يبيني بس ابعد لمصلحته ومصلحتي


وهذي المراة لازقة لزقة .. لو شنو يصير ما راح تروح ..


اتمنى النصيحة بالحسنى والكلام الطيب


جزاكم الله كل خير ..


تحياتي لكم