طول الخطبه هل هو سبب للطلاق؟؟؟؟؟؟؟؟
السلام عليكم
ببدا لكم القصه من اولها
انا اعجبت ببنت من عائله قريبه من عائلتنا وذلك لكثرة كلام اختي وامي عنها
المهم انا تعلقت وخفت البنت تطير مني وظروفي ما تسمح لي اني اتزوج الا بعد سنه على الاقل عشان اخوي الكبير ما تزوج الى الان انا كلمت الوالده تكلم العائله بشكل غير رسمي ووافقت بعد عدة محاولات وتكلمت معهم وتحول الموضوع بشكل خارج عن ارادتنا الى رسمي
بنوصل الان الى الشي الي محيرني
امي تقول بنعطيهم المهر والملكه والشبكه بعد 10 شهور بتقولون لي ليييش ؟
عشان تخاف من العين لاني توني صغير 22 سنه والسبب الثاني ان الملكه الطويله سيئة للزوجين وربما تكون سبب للطلاق حتى قبل العرس!!!!
وانا خايف من كذا صراحه ومن جهة اخرى اختي تقول لي بالعكس تملكوا الحين لان احلى فتره هي فترة الخطوبه وعشان تعرفون بعض ولاني مسافر دراسات عليا ان شاء الله تقول انك كلما تذكرت ان خطيبتك تنتظرك شديت حيلك في الدراسه وابعدت عن الحرام
وعشان اوضح لكم الصوره بشكل افضل
ما ودي اخسر خطيبتي مثل ما قالت الوالده بسبب طول الملكه وعلى الجهه الاخرى ابي اعيش جو مع خطيبتي وانا مسافر وفي النفس الوقت احس بالمسؤوليه وانه فيه وحده على ذمتي وتنتظرني
ملاحظه: في عائلتنا ممنوع التواصل مع الخطيبه بأي شكل من الاشكال قبل الملكه
التعديل الأخير تم بواسطة شاطئ المحبة ; 01-05-2008 الساعة 06:39 AM
01-05-2008, 06:27 AM
ضوابط المشاركة
العرض الشجري