أنا بصراحة ضدك
مش كل الرجالة وحشة , في رجالة زي الفل
زي ما في بنات كويسات و بنات لأ , الرجالة نفس الشيء
مش معنى إن في نماذج وحشة إن كل الرجاله كده
و بعدين الراجل بيتشكل على حسب زوجته
لو انسانة مطيعة و طيبة و رومانسية و حبوبة و شايلاه في عينيها يبقا أكيد حيرجعلها المعروف
أما لو عملت كل ده و رده كان مش كويس يبقا تصبر و تصارحه
إذا الصبر و المصارحة ما جابوش نتيجة يبقا الإنفصال بهدوء

أما عن جنس الرجالة كله مش الأزواج
فالرسل عليهم الصلاة و السلام كانوا رجالة و الصحابة و التابعين و الشهداء في كل مكان رجالة و الشيوخ رجالة و المحدثين رجالة و زمان المعلمين كانوا رجالة و العلماء رجالة ,

الدنيا قامت بتعاون رجل صالح مع امرأة صالحة
و الشر قام بتعاون رجل غير صالح مع أمثاله أو أمرأة غير صالحة مع أمثالها

ما نقدرش نعمم قاعدة و نقول حاجة عن جنس الرجالة لأن صوابعك مش زي بعضهم

و ردا على سؤالك الأساسي في راجل شرير بس اللي عمل فيه كده ظروف اجتماعية و نفسية أحاطت بيه في حياته
يعني الرجل الشكاك كان في علاقات مع ستات ( إذا المرأة دخلت في المعادلة )
الرجل ضعيف الشخصية كان بيعاني من تسلط امه أو خواته الكبار عليه ( يبقا برضه المرأة السبب )
الرجل العصبي و اللي بيضرب ( شاف أمه بتعمل كده معاه أو مع غيره )

و نفس الشيء المرأة في منها شرير و في منها كله خير و طيبة

و ما أنصحش حد يتحيز لجنسه و يدافع عنه لأن ربنا خلقنا بشر و كل البشر خطائين

و المرأة خلقت من ضلع الرجل , الضلع اللي كان فوق صدره يحمي قلبه

سر الرجل الصالح أمرأة صالحه تعينه على حياته و دينه و دنياه