اختي لست انتي الوحيدة في هذه المشكلة
وسا حكي لكي تجربتي وان شاء الله تلاقي من خلالها الحل لمشكلتك
انا زوجي كان في نفس القصة نت على طول يعني بيرجع من الشغل مباشرة على النت بس بيلعب يعني في لعبة ما اعرف اسمها بيحب يلعبها كثير وفيكي تقولي ادمن عليها
في البداية انا تضايقت ودوما اطلع لعندو واعمل مشاكل ونتخانق بسبب النت
وكثرت المشاكل وبديت احس انه زوج ليس جيد والشيطان يلعب في افكاري
وفي يوم من الايام جلست اتذكر محاسنه فوجدتها عددها كتير كبير والمساوء قليلة جدا
فانا نويت ان اغير نفسي اولا وقلت يارب هو يتغير بعدها
وبالفعل صرت ما اضايقو واشغل نفسي مع الاولاد اكثر وفي المسا اجلس اقرا او اتابع تلفاز وبعدين سجلت في موقع على النت احفظ من خلاله القران وادخل واسمع واصبح لي صديقات صالحات من كذا بلد من خلال حلقة التسميه وهو موقع خاص للنساء فقط والحمد لله
وانا صرت احس نفسي عم اعمل شي وصرت احس اني صرت قوية
وزوجي بصراحة لما شافني طنشتو هو بئا صار يجي لعندي وحتى عصب مرة وقلي بدو يقفل النت عندي
ماشاء الله نسي نفسو وعلى الاقل انا عم استعملو في شيء ايجابي
وشوي شوي صار ينزل ويقعد معانا ويلاعب الاولاد وخفف كتير جدا من جلوسه على النت
وبصراحة يا اختي لا تزعلي اذا بيقعد بيلعب افضل مايكون قاعد بشوف مواقع اباحية والعياذ بالله وهذا ماكنت اقوله لنفسي
وانه يلعب ايضا افضل مايكون بيطلع بيسهر برى البيت ولا اعرف هو وين ومع مين
على الاقل هيك تحت عيني وبنام وانا مرتاحة
والحمد لله الحالة تحسنت كتير وهو خفف وانا اتاقلمت
وارجو ان تجدي افادة من تجربتي
__________________
اللهم فرج كربة أهلي واهدي أخي لكل خير يارب