02-04-2008, 12:43 AM
|
المشاركة الأصلية كتبت بواسطة كرانكي
السلام عليكم و رحمة الله و بركاته
اسمحوا لي جميعا ان اقف مع الزوجه انا شخصيا مثلها لا احب اعمال البيت و لكني اقوم بها من أجل زوجي و خاطرة لكن لو جاب لي شغاله سأطير حبا فيه و عشقا اذا اراد يدللني و اشيلها له على راسي العمر كله ( بس المهم تكون حالته الماديه تسمح و أعتقد طالما انها طلبت منك شغاله يبقى حالتك تسمح )ليه متغمرهاش بكرمك و تعطف عليها و تكرمها خصوصا اذا كانت مدللة في بيت أهلها انا شخصيا سمعت اكثر من مرة ان شغل الزوجه في بيتها فضل و ليس فرض و كمان سمعت اذا كانت الزوجه مخدومه في بيت أهلها يبقى شرعا حق ليها على زوجها انو يوفر لها من يخدمها إسأل و الله اعلم و بعدين ايه الإرهاب دا تحرمها من التليفون و التليفزيون هداكم الله هي بنته والا مراته ليه ميكلمهاش بحب و يقولها على اللي هو عايزة منها بالضبط او يكلم امها تكلمها و بعدين يا أخي انت عامل ايه في بيتك اعذرني في السؤال بمعنى انت من الرجاله اللي بتقلع و ترمي و تاكل ما تشيل حتى صحنك و ما تقول حتى تسلم ايدك او اي كلام طيب بمعنى آخر انت تحسسها انها زوجتك حبيبتك بتراعيك والا بتحسسها انها شغالتك (لا سمح الله )و واجب عليها خدمتك هي واجب عليها تصونك و واجب عليها تسمعك و تحتويك و ترضيك و تتزين لك صحيح لكن تكويلك ( معتقدش) اذكرك سيدنا محمد كان بيخيط الثوب و يخسف النعل و يطعم السيدة عائشه في فمها و يحلب الشاه هو مين افضل منه صلى الله على محمد صلى الله عليه و سلم و للإنصاف أسأل شيخ ( طالما الموضوع وصل للطلاق او لأنك تتجوز عليها ) أصل انا شخصيا بتجنن لما انظف و اكوي و اروق زي ما بتقول و بس يدخل زوجي البيت بقدرة قادر ينقلب كأنه مش حاسس بيا و لا بتعبي ( مخبيش عليكم بعمل اضراب يوم والا اتنين ساعات بيكون ربنا هاديني و اقول معلشش هو تعليق الهدوم حياخد ايه والا مكوة القميص اللي اترمى دا حتاخد ايه خليكي عاقله و احتسبيها عند الله و ساعات مبقدرررررررررررررررررررش ) على فكرة كان اولى بيك بدل ما تتزوجها و تطلقها ( بنت الناس دي ) كنت ايام الخطوبه اتحدثت معاها عن خطتك في الحياه و انت عاوز منها ايه و هي بتحب ايه و بتكره ايه و انت كمان كنت تشوف تصلحلك والا لا كنت تشوف متوافقه مع اللي تريده والا لأ بدل البهدله دي اتذكر رجل كان جارنا و كانت زوجته مثل زوجتك و قلنا له انت تأخذ عليها شئ غير التنظييف قال لأ فقلنا له اذن احمد ربنا في ستات لعنه و هات لها اللي تخدمها و اشتري راحتك لأن مفيش انسان خالي من العيوب فالحمد لله على حظك الحلو انها محلوله ربنا يسعدك و يباركلك و أخيرا اذكرك بالسيدة فاطمة عليها السلام انها شخصيا كانت تريد خادما ليعينها على اعمال المنزل ( اذا كانت زوجتك احسن من السيده فاطمة ازعل منها اذا كان لأ سامحها ) و قو لها رد النبي صلى الله عليه و سلم انها تستعين بالتسبيح و تقول (سبحان الله -الحمدلله -الله اكبر 33 مرة قبل النوم) و انها خير معين احسن من الخادمه و أخيرا اذكركم بوصية سيدنا محمد صلى الله عليه و سلم رفقا بالقوارير رفقا بالقوارير رفقا بالقوارير و بحديث النبي صلى الله عليه و سلم ( خيركم خيركم لأهله و أنا خيركم لأهله ) اللهم صلي على سيدنا محمد و على آل سيدنا محمد اللهم صلي على سيدنا محمد و على آل سيدنا محمد اللهم صلي على سيدنا محمد و على آل سيدنا محمد سبحانك اللهم وبحمدك أشهد أن لا إله إلا أنت أستغفرك وأتوب إليك أستغفر الله استغفر الله استغفر الله عدد خلقه و رضا نفسه و مداد كلماته اللهم اغفر لزوجي و للمسلمين و المسلمات اللهم اغفر لزوجي و للمسلمين و المسلمات اللهم اغفر لزوجي و للمسلمين و المسلمات |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري