السلام عليكم ورحمه الله وبركاته

كيفكم ان شالله طيبين ^_^

الظاهر تذكرون الحلقات السابقه بخصوص الخطبه وماشابها من هنات وترددات خطابيه << اقطعها بس
المهم انا كنت مواعد اخو البنت وللاسف ماتم اللقاء وتعذؤ بقوله اني نايم وانا والله مادري هل هو معذور او مستحي المهم اني اتصلت على اهلي وقلت لهم يتصلون على اهل البنت ويكلمون امها او اي واحد بالبيت انا ملييييييت بصراحه شهرين ماردوا لا بكلمه ايه ولا كلمه لااااا !! المهم اتصلوا اهلي وعلموهم وقالوا والله مانظن ان فيه نصيب !! يعني مافيه ومع السلامه !! وانا اكتشفت بالاخير ان هناك خلاف عائلي بين الي انا جيت من طرفه وهو ابن عمي مع اهل البنت وهم اصلا سبق وان رفضوا واحد من اقاربنا عشانه جاي من طرف ابن عمي الي انا خليته الواسطه بيني وبينهم ^_^ لاعاادت على هالواسطه بس الحمدلله خيره ان شالله ...

اتصلت بعدها على طول باخوها بعد ماعلموني اهلي وللاسف مارد علي وبعدها ارسلت له رساله قلت له انه جاني خبر بالرفض وبالعكس لاتحسبني متضايق او غيره والله انها خيره لنا ولكم والله يعوضكم باحسن مني ومن هالكلام ^_^ شوي الا يرسل لي رساله يقول فيها انا كنت بالقاعه ولاقدرت ارد عليك لكن وماوصلني اي ممانعه من اهلي لكن بتصل عليك فور خروجي ...

والى الان ماتصل لكن حتى لو ماتصل والله انا ابي اعرف شي واحد ليه خلوني انتظر شهرين وشوي ماصارت على الاقل يقولون كلمه وحده يا نعم يا لا المهم الحمدلله على كل حال وبالعكس انا ماضاق صدري لاني مستخير والخيره بما اختاره الله