عروستنا المقبلة - إن شاء الله - المصرية
بالراااااااااااااااااااااااااااااااااااااااااااااح ة على نفسك
إنت متعصبة جداً ، و متوترة و ده مش كويس في الحالة اللي إنت فيها
هديييييييييييييييييييييييييييييي نفسك على الآخر ... خدي نفس عمييييق جداً و خرجيه بالراحة 3 مرات
صدقيني بتكلم بجد
بصي يا ماما ... أولاً موضوع الاستخارة ، مش تخافي منه أبداً أبداً ... لأنك يا حبيبتي خايفة إنه يكون نصيبك ... صدقيني إذا كان هو ده نصيبك اللي ربنا رايدهولك هيخليك إنت كمان تتقبليه و تحبيه كمان
الاستخارة بتعمل قبول من الطرفين يعني مش هيكون نصيبك و ربنا رايدهولك و انت مش طايقاه
، بالعكس تماماً هتلاقي قلبك انشرح و رحب بالحياة الجديدة و اطمئن ليها
فمش تخافي من نصيبك ... خوفك من النصيب لأنك لسه في قلبك شئ لخطيبك الأول
و نصيحة من أخت شافت تجربتك قدامها بتتكرر كل يوم:::
أوعي ، أوعي ، أوعي .. تضيعي عمرك في حب شخص سابك
أو حتى تفكري فيه بعد ما سابك
أو حتى تزعلي نفسك عليه و تضيعي يوم واحد من عمرك زعل عليه
عارفه إن كلامي صعب حبتين و إن المشاعر مش بتتنسي بسهولة ... بس صدقيني البنت بتنسى أسرع من الولد ، لأن البنت عاطفية جداً و بسهولة بتحب
زي كلام مامتك -ربنا يكرمها و يخليهالك- البنت فعلاً مش بتحتاج أكتر من الحب و الحنان و الاهتمام
علشان كده سهل إنها تتعلق بشخص و حب جديد
و عاطفتها الجياشة هي اللي بتهيأ لها إنها مش ممكن تنسى و الآهات و الويلات اللي بتشوفها مع أول صدمه بتتعرض لها لكن الحقيقة عكس كده تماماً
أرمي كل الحاجات دي ورا ظهرك و بصي لحياتك بنظرة جديدة و بتفاااااااااااؤل
ما شاء الله الله أكبر من مواضيعك واضح إنك مرحة و بتحب الحياة (ربنا يزينلك دنيتك و آخرتك) فبصي لحياتك بنظرة جديدة و بروح مليانه بالتفاؤل
ما شاء الله تبارك الله ، العريس بالمواصفات اللي بتقولي عليها ، مش يترفض بكل المقاييس
1- دين و أخلاق.
2- حسب و نسب.
3- جمال و مظهر.
4- ناس مقربين ليكم ، فأكيد تعرفوهم كويس.
5- بيحبك و حاطط عينه عليك من زمان.
يبقى فعلاً ربنا باعتلك العوض اللي يعوضك بيه عن العذاب اللي اتعذبتيه بكل شئ حلو ... و ده لأنك طيبة و قلبك أبيض و مش بتسيئي لأي حد
استخيري ربنا من غير خوف و من غير قلق و خليك واثقة في عطايا الوهاب
و إذا كنت محتاجه لوقت علشان على الأقل تقفي وقفة حياد مع نفسك و مشاعرك ، فده من حقك لكن مش تضيعي مستقبلك و الفرصة اللي جتلك
يارب يا حنان يا منان يا كريم يا كريم يا كريم ، نور بصر و بصيرة أختنا و يسر لها طريق الخير و حببها فيه و ابعد عنها طريق الشر و نفرّها منه
اللهم يسر لها طريق الخير في الدنيا و الآخرة و هونه عليها
و دي زغرووووطة مقدم :14: :14: :14: :14:
ربنا يسعدك و يسعد قلبك
26-03-2008, 01:52 PM
ضوابط المشاركة
العرض الشجري