زوجي جنني يحاسبني على كل صغيره وكبيره
تكفووون ياناااس زوجي جنني يحاسبني على كل صغيره وكبيرهم عطوني حل
احس قربت يجيني انهيار عصبي منه
يحاسبني اذا اتصلت على امي على مدة المكالمه وعلى وقت المكالمه
حتى شغل البيت يتدخل فيه المطبخ يبي له كذا وكذا
واطفالي الصغار دايما يلومني ويحسسني اني مهملتهم
واذا رحنا لاهله يفرض على شروط قبل ما اتكلم
انتبهي لاتكلمينهم عن اي شئ يصير في بيتنا ولاتتكلمين عن مشاكلنا ولاتتكلمين عن راتبك وراتبي
ولاتغلطين في حق اي واحد منهم حتى لو كان اصغر واحد في العائله لو كان هم الغلطانين
المطلوب مني اتأسف لهم
حتى ملابسي يتحكم فيها لاتلبسين كذا والبسي كذا
وعند اهلك لاتلبسين كم قصير علشان اخوانك
طبعا اخواني هذولا يعتبرهم أجانب لاتجلسين مع واحد لحالكم
ودايما يحطني بمواقف مخجله معهم تخيلوا مره اخوي زارنا في البيت وصاح ولدي الصغير عمره اربع شهور يبي يرضع ورضعته صدري تحول الى وحش وماهمه وجود اخوي
صرخ على بأعلى صوته ماتستحين على وجهك ترضعين قدام الناس!!!
سبحان الله كأن هذا مو اخوي كأنه ولد جيرانا
ذبحني ياناس يتحكم فيني بشكل فظيع
حتى جيراني يعلمني وش اقدم لهم ويحدد لي جارات معينات بس والباقيات مانعني ازورهم
تعبت منه خلاااص كرهته والله ودي اعيش مطلقه ولا اعيش معه
حياتي صارت كلها نرفزه بنرفزه طول وقتي خايفه من انتقاداته عايشه بقلق نفسي كبييييير
09-03-2008, 03:34 PM
ضوابط المشاركة
العرض الشجري