كل اللي يستخدمو الحنة للشعر .. الرجاء الدخول
السلام عليكم ورحمة الله وبركاته
صراحة .. تعبت مع هذه الحنة ..
كلكم تعرفو الصبغة وأضرارها
والحنة وفوائدها .. لذلك أنتقلت من الصبغة للحنة ,.. لكن المشكلة إن الحنة فيها
عيوب ..
أولها إستخدامها على الشعر مش مريح .. وما تطلع بسهولة .. وبعد كل إستحمام
ينزل اللون .. وبالتالي المنشفة لونها أحمر .. والمخدة حمرا ,, والملابس حمرا
شي مزعج .. صح ؟؟؟
في حل لهذه المشكلة ؟؟
ثانيها .. اللون ما بيطلع زي اللي أبغاه .. يعني بعض الحريم أشوف شعرهم حلو
وأحمر فاتح ,, وأحسبها صبغة .. ويقولو حنة .. !!
بينما أنا يطلع لون الحنة أحمر داكن .. ولا كأنو مبين .. يعني أتعب تعب في الحنة ..
والنهاية . . ما تبين .. بالرغم إن لون شعري مو أسود غامق .. لا .. بالعكس
شعري فاتح .. والمفروض ياخذ اللون بسهولة..
في حل لهذه المشكلة ؟؟
أكيد حتسألوني عن الحنة كيف أسويها ..
أنا أحط حنة وموية دافية وبس ..
لأني سمعت إن أي شي مع الحنة .. يفسدها .. والحنة كلها فوائد .. يعني ما يحتاج
نزيدها لبن .. أو مايونيز .. أو ما أعرف إيش .. حنة وبس
ومرة جربت وحطيت عليها زيت .. الله لا يوريكم .. جلست شهر أغسل شعري ..
والزيت مو راضي يطلع .. فازلين مو زيت .. وقلت توبة ..
يالله .. شدو همتكم .. وقولولي خبراتكم .. لأني عجنت الحنة خلاص .. وبكرة بإذن
الله ناوية أتحنى..
مشكووووووووووووورين
04-03-2008, 09:24 PM
ضوابط المشاركة
العرض الشجري