السلام عليكم ورحمة الله وبركاته

ميخالف راح ابدى موضوعي بدون مقدمات لاني مو شاطره في صياغتها.

بنت اخوي عمرها اربع سنوات اهي الحين في سنه اولى روضه.مشكلتنا
الاولى معاها واللي مازلنا نعاني منها هي حبها لمص اصبعها ولقد
حاولنا بشتى الطرق لمنعها ولكن للاسف باءت محاولاتنا بالفشل.وهذا
شي مؤكد لانها في عمر يكون مصدر اللذه لديها هو المص.المشكله
اللي على شانها انا كتبت هذا الموضوع اهو اكتشافي انها في الاونه
الاخيره بدات باللعب في اعضاءها التناسليه.حتى انها اذا ارادت
ان تعبث به تذهب الى سريرها وتتغطى باللحاف وتبدا بمص اصبعها
وكذلك باللعب بعضوها التناسلي.

بصراحه انا وايد خايفه عليها لان في هذي المرحله العمريه تنتقل
مصدر اللذه عند الطفل من الفم الى الاعضاء التناسليه.واخاف انها
ما تقدر تترك هذي العاده وبعدها لما تكبر اتمارس العاده السريه
في سن صغير جدا.وهذا شي انا ما ابيه يصير.

ما ادري اذا كان حل حق مشكلتي عندكم خاصه ان هذا المنتدى يتكلم
كله عن الامور الزوجيه.بس سشوي قلت يمكن تقدرون اتفيدوني.
واذا ما لقيت تجاوب فخلاص راح احاول ابحث عن مصدر اخر لايجاد الحل.

وسلامي...