مع احترامي للاخ اجابتك الظاهر قايلها لك جدك لانها اشياء قديمة والزمن تغير..

الحين مب ضروري الشاب يكون في الاربعينات بعز شبابه..كثير الحين في الاربعينات تلقاه مكرش ومترهل وطفشان من كثر الشغل ومشاكل ماديه وعائليه خلته يعجز بدري وفيه نساء والاكثريه منهم الحين من الاهتمام بالنفس تشوفها بالاربعين ما تصدق تحسبها بنت صغيره في اواخر العشرينات..

والله من المجتمع اللي حولي صرت اتخسر ببعض الحريم على ازواجهم تلقاها قمة الرشاقه والجمال والاهتمام وزوجها انواع الشيب والكرش ومافيه حيل يعطيها وجه.. وابشرك كلهم ازواجهم بالاربعينات والمدام تكون اصغر بسنتين ولا ثلاث..

هذا غير الطاقة الجنسيه اذا ودك نتعرض لها الشباب الحين وهو توه متزوج طاقته ماتجي نص طاقة رجل متزوج له عشر سنين بس في قديم الزمان.. يعني مرة ثانيه لا تسمع كلام امك وجدتك وتحسبه ينطبق على هالزمن..

اخوي صاحب الموضوع اذا انت مو مقتنع بالفكره لا تتزوجها وتظلمها معك بافكارك الغريبه لكن اذا بتقتنع الحمدلله..

البنت دلعها وغنجها ماله دخل بعمرها فيه بنات جديات وثقيلات من عمره 16 وفيه بنات يوصلون الاربعين وهم دلوعات.. وبالنسبه للفرق بينكم انا مستغربه انك تعتبرها كبيرة!! شكل عندكم عادات وتقاليد غريبه عموما انا من نجد وعندنا الاغلبيه الحين تفضل الزواج ببنت متخرجه من الجامعه وتكون فوق ال 21 سنه عشان تكون ناضجة وفاهمه وقد المسؤوليه..

انت عارف بنات هاليومين اللي عمرها 18 تعتبر طفلة.. وبعدين انت اكبر منها مادري وين المشكله يعني لازم يكون الفرق كبير مرة وتحس انها بزر عشان تستمتع؟! ياخي ماودي اقول غريب الاطوار بس يعني ماني فاهمه ليش تبي بنت اصغر منك بكثير؟ وش المتعه يعني؟!

هذي البنت انت شايفها مناسبه وهي اصغر منك بسنتين يعني اشوف ان عمرها جدا مناسب لعمرك ! حتى الافكار والحركات تكون متقاربه اذا كنتو من نفس الجيل وطبعا حنا في زمن السرعه يعني خمس سنوات تخليك من جيل غير جيلها..

فكر واستخير واذا بتقعد بعد الزواج تحس انها كبيرة عليك وتقعد تدقق على كل صغيره وكبيرة بلاش تاخذها ياخوي..والبنت اذا تهتم بنفسها وتعرف تتدلع صدقني عمرها ماتكبر وتقعد صغيره ودلوعه لين توصل الخمسين..

__________________