انا فاهمه انكم بيئه محافظة بس ترا البنات يختلفون عن الرجال ويحبون السواليف باي وقت مافيه اشكال ومافيها عيب ويمكن هي بيئتها غير بيئتك بصراحه انا عادي ادق على صديقتي اي وقت اتكلم معها وكل صديقاتي يكلموني نص الليل والفجر يعني بالعربي تراه عادي عندنا في مجتمع البنات..

ونفزع لبعض لو وحده صار لها مشكله تدق اخر الليل على صديقتها وتتشكا لها يعني احنا البنات زي ما قالت الاخت روح الغالي نفضى بالليل ونروق خلال النهار تكون مكالمتنا مقتضبة وكلنا مشغولين اما بالليل نفضى ونكلم بعض انا شخصيا اغلب مكالماتي اخر الليل وعمر ما احد تضايق مني ولا اهلي ولا زوجي لانه عادي وزوجي عنده اخوات وفاهم الوضع انت يمكن لان مالك اخوات ما استوعبت الوضع..

عموما اذا انت متضايق مافيه مانع تبين لها وجهة نظرك بس يمكن تتضايق وتعتقد انك تشك فيها لذا من نظري عادي خلها على راحتها واذا تزوجتو ولقيتها مرة تكلم بالليل ممكن تقولها ماله داعي مكالمات هالحزة مع اني اشوفها عااادي تماما..

والبنات على فكرة بين بعضهم فيه خصوصيه يعني يمكن ما تفضل تكلم صديقتها قدامك ان شاء الله ما تكون شكاك وتتعبك هالناحيه لازم تثق فيها ثقه متناهية وتخليها على راحتها وما تضايقها في خصوصياتها وصديقاتها لان هذا هو عالمها حرام تخربه عليها..

__________________