اختي فيه حديث:

(اذا أتاكم من ترضون دينه وخلقه فزوجوه)

واذا زوجك مجتمعه فيه هالصفات كملي معاه

ومن كلامك شكله شاريك يكلمك ويرسلك وانتي مطنشته

لا تجيك عقوبه من الله يجيك واحد تتمنين ربع زوجك الحين... اختي الي انتي الحين فيه اسمحيلي اقولك طيش شباب

فكري في الموضوع زين وخلي عواطفك على جنب

الزواج مو لعبه... الزواج مسؤوليه

لاتجاملينه من الي قالك جامليه والمجامله ميب حل بالعكس تزيد المشكله (واتوقع هذا الي صار في القصه المذكوره في الردود)

بس شوفيه بنظره ثانيه شوفيه بعقل

هو حابك ورجال ماعليه كلام ويقدر يتحمل مسؤوليتك؟... احمدي ربك

والحين هو زوجك يعني انتي الحين محاسبه على كل شي تسوينه له

وفيه حديث بما معناه انه لو فيه مخلوق يسجد له كان امرت ان الزوجه تسجد لزوجها

وفيه وصيه وحكمه تقول: (كوني له أمة يكن لك عبدا)

الوحده وش تبي غير زوج يحبها ويحفظها ويحترمها

الزواج عمر

يعني الي بتتزوجينه بتستمرين معه سنين ان شاءالله

وبيجيك منه عيال

وانتي اكيد بيهمك تعامله معاك ومع العيال

يخاف عليكم ويحبكم ويعطيكم حقوقكم كامله


اختي فكري زين قبل لايجيك اليوم الي بتندمين فيه


واقتنعي فيه ولا تجاملين

واذا ما ارتحتي وما تقدرين تتحملينه

استخيري وانفصلي

والله يكتب لك الي فيه الخير