السلام عليكم،
حبيت انقل تجربتي اللي انا متأكدة ان الكثيرات راح تستفيد منها إن شاء الله..

من سنتين مدحت وحدة من صديقاتي في مستحضر تجميل يبيض ويصفي البشرة في وقت قياسي ونتائجة مضمونة .. اخذته واستخدمته ،، هو مستحضر يقشر البشرة من أول اسبوع استخدام وتطلع طبقة ثانية بيضة ومرة صافية .. وقتها ما كنت حامل ولا كنت اخطط حتى اني احمل ،، بس صار بعد شهر تقريبا من استخدامي للمستحضر ان الدورة تأخرت وأكتشفت اني حامل، بعد اسبوع من اكتشافي اجهضت، وفي الأشعة اكتشفت الدكتورة إن في كيس حمل بس بدون بيبي ،، وكان عمر الحمل 6 اسابيع .. وبس ..

انا من اكتشفت حملي على طول وقفت استخدامي للمستحضر لأن كان مكتوب بخط صغير في زاوية انه يمنع استخدام الحامل.

المهم، بعد فترة اجتمعت مع بنات العيلة في عزيمة وكنت اسولف مع وحدة عن تجربتي وإني اشك إن المستحضر هو السبب بس مو متأكدة بس لما قلت اسم المستحضر ، اكدت لي انه السبب لأن ((زوجة عمها كانت حامل في الثامن وكان وجهها مليان بقع سودا، استخدمت المستحضر بس هي ما تعرف تقرا انجليزي، ووجها صار ينور من البياض (ما تصدقون فعال فعال جداً) بس تدرون شنو صار؟!! البيبي مات في بطنها!!!!!!!!!!!!!!!!!!! والله انصدمت وخفت )

وبعدها حملت مرة ثانية وحرمت ما استخدم اي مستحضر .. قمت حتى كريمات عادية مثل جونسون وغيرة اخاف من المواد تأثر في البيبي ..

وعلى فكرة لو تروحون الصيدلية تطلبون هالمستحضر اللي تكلمت عنه سابقاً ،، الصيديلي راح يسألك أذا حامل او ترضعين .. لأنه مو زين للرضع كمان ..


عالعموم ودي اكتب اسم المستحضر بس اظن انه ممنوع صح؟

انا راح اكتب وإذا ممنوع حذفوه بليز ..

اسم المستحضر .. (Baby Face) .. اتوقع في ناس كثيرين عارفينه .. هو زجاجه صغيرة مثل قطره الأنف وهو سائل شفاف وينمسح على البشرة بالقطنه وبتلاقين القطنه مليان آثار سودة .. بس بعد يومين تشوفينها تتقشر بعدها تصير صـــــــــــــــــــــــــــــافية وبيضة جنان ..



إن شاء الله استفدتوا من الموضوع ..


تحياتي ،،