بالعكس المفروض تكوني ضعيفة ، لا وتصطنعي الضعف ، الرجل يحب زوجته تكون على طبيعتها .. ضعيفة ، المرأة مهما حاولت واصطنعت أنها قوية تظل ضعيفة .. كذا ربي خلقها ، وهذا أحلى شي عند الرجل ، الشي هذا يخليه يحس برجولته ، زي لما أنتي تفرحي لما زوجك يحسسك بأنوثتك ، هو يفرح لما أنتي تحسسيه برجولته .
وإذا مانتي قادرة تعتذري تذكري الأجر والثواب اللي بيجي لما تعتذري وتسلمي على يدينه وراسه وتفرحي قلبه ، إن شاء الله راح يصير أحسن معك ، وأدعي في كل صلاة أن الله ينسيك الموقف ذا ، وقولي اللهم أجعل زوج قرة عين لي وأجعلني قرة عين له ، وأدعي له بالهداية ، وأعرفي أن كل ماكنتي مع زوجك أحسن راح يكون أحسن معك ، مثل لما الواحد يزرع أرض .. يحرثها ويجيب لها سماد ويسقيها مويه .. الخ ، فالنهاية تطلع له ثمرة أحلى تنسيه كل ذا التعب ، دايما ً اللي يزرع الأشجار يحصد الثمار ، سواء كان الزارع الزوجة أو الزوج ، لكن أبدي أنتي أول عشان تكسبي الأجر .