السلام عليكم ورحمة الله وبركاته

حبيت استشيركيم في موضوع قاهرني ومسيطر على تفكيري ها اليومين ومنصدمه صدمة عمري

الموضوع بخصوص زوجي


وااااااااه بس

مدري من وين ابدا احس ان سالفتي غريبه

السالفه وما فيها اني الفتره الي فاتت كنت في الاربعين طبعا في اخر الاربعين زوجي كان مشتاق لي جبت طاري السفر قال انا كنت ابيها مفاجئه لك بعد العيد انسافر بس اذا انتي على قولتك الحين طفشانه اول ماتطلعين انسافر قلت طيب

طلعت من الاربعين وانا ما طهرت لان اخت النفاس جتني في ها اليوم انا كنت مستعده لان زوجي بيوصل اليوم الا والاخت شرفت يوم وصل وعرف يقول جاني احباط كنت متحمس

الزبده انا ماقلت ها المقدمه علشان ادور له عذر على الي سواه لا والله بس قلت بحطكم با الصوره


طبعا من بكرا سافرنا وهو كل يوم ما خلصتي ما طهرتي وانا اقول له لا

المهم يا طويلين العمر نجي للموقف الي صار زوجي

كنت انا وزوجي في المول دخلنا محل وهو كان يدف العربيه انا رحت للقسم النسائي من زود غبائي وهو كان عند القسم الرجالي ويدف العربيه لاني نزلت تحت في القسم النسائي اخذت لفه وما عجبني شي قمت طلعت مع البوابه الثانيه على اساس اشوف وين زوجي وااااااااااه من الي شفته

طبعا انا طلعت من البوابه الثانيه ورجعت للمدخل الرئيسي لان زوجي اكيد بيكون يا عند القسم الرجالي او عند الدخل لمحت زوجي كنت ابي اناديه اقول تعال بس من هول الصدمه سكت وما نطقت ابكلمه

شفت زوجي العزيز اعيونه طايره على .......... وحده كانت امدنقه اتعدل عربية ولدها ونص ....... طالع انا كنت موجوده من بداية الموقف

كان زوجي بيرجع في العربيه وهي كانت امدنقه قام وحلق قيها بعدين عدل راسه لان خاف انهم ينبهون له قامت اتعدل في ها العربيه ورجع يناظرها بس ماكنت نظره عاديه حسيته يطالع بشهوه مع انها اقل من عاديه يعني حتى ما اقارن نفسي فيها مو غرور بس اذا الزين عندك وتناظر هذي انا تنحت هو رفع راسه والتفت لقاني اطالعه حسيت انه انصدم وتفشل انا طلعت ولا كلمته قمت ادخل في ها المحلات وهو وراي بس برا يعني ماله وجه حتى يمشي ابجنبي طبعا كل هذا وانا ماتكلمت ولا كلمه من هول الي شفت رجعنل للفندق وانا ساكته بس اغلي ودي انفجر بس واضح اني امعصبه وهو ساكت رجعنا الفندق وانا ما اكلمه وهو ما فكر يتكلم

حقرته ونمنا يوم صحينا وانا ما ودي اشوفه يوم صار الظهر جا ودخل الغرفه قال يالله جهزي الشنط نبي نرجع من زود الوقاحه بدال ما يقول اعتذر

الي قاهرني اكثر انه امسوي نفسه يخاف الله يعني ينقهر اذا شاف واحد يطالع في وحده حتى احيانا ينبهم وراعي صلاة وهذا يطلع منك اجل لو كان داشر وش سوا بعد

رجعنا وان ساكته او من هول الصدمه ماني قادره اتكلم الموقف يتكرر كل دقيقه لا كل ثانيه كلمتني اختي وقلت لها راجعين قالت وش عندكم توكم رايحين رديت عليها وهو يسمع قالت مالت على ها الروحه لو اني عارفه انها كذا كان ما رحت قالت خير وش فيه قلت اذا جيت طبعااااااا ما اروح اقول ها الموقف لها بس بقول بنتي ازعجتنا وما انبسطنا فقلنا نرجع لانها نكدت علينا قالت بترحين بيتك قلت انا لا بجي لبيت ابوي وهذا انا عند اهلي حطني وراح

يعني مشتاق لي وتتمنى نكون مع بعض اليوم قبل بكرا ويوم غفلت عنك لحظه هذي سواتك وانا الي كنت اثق فيه
بعد ها الموقف هو خسر ثقتي واحترامي وحبي

بعد ما رجعنا هنا بنفس اليوم ارسلت له رساله وقلت له اذا كان فيه شي في حياتي انا متندمه عليه فهو زواجي منه ومن ها الكلام

بعدها بفتره ارسلت رساله عن النظر للمحرمات وغض البصر بس ماااااااش الى الان الموقف يتكرر قدامي عجزت انسى والي قاهرني اني من زود غبائي رايحه اشتري له هديه بهذيك القيمه وانا يهديني ها الهديه حسبي الله عليه بس


تم تعديل العنوان ليكون بالفصحى ..