منذ ما يقارب الأربع سنوات وبعد أن استقريت فكريا وعمليا ونهلت من ثقافة المجتمع وقرأت في العديد من الكتب وبعد ان تجاوز عمري ثلاثون عاما قررت الاستقرار العائلي بما أمرنا به الشرع الحكيم وأقدمت على إكمال ديني بان أتقدم لإحدى النساء فتقدمت لخطبتها وكتب الله لي ان نرتبط ببعض ونتمم مراسم زواج اعتيادي كبقية أبناء المجتمع وبعد الزواج قمت بقضاء شهر ما يسمى بشهر العسل فسافرت بزوجتي خارج ارض الوطن لمدة عشرون يوما تنقلنا خلالها لثلاث رحلات وقد عدنا إلى ارض الوطن الغالي وكنت قد جهزت لي منزل عبارة عن دور ارضي كامل اثثته من أفضل ما يوجد بالسوق – كنت اعتقد قبل الزواج ان أي زوج يواجه أي مشكلة مع زوجته سيصل معها إلى حل بطول البال وبالتفاهم وبالتنازل وان أي
إمراءة با الدنيا ستكون سعيدة اذا توفرت لها متطلباتها الحقيقية – كنت احل مشاكل زملائي وأساعدهم على ذلك وانتقد من يسيء لامراءته ,,,,



تقدمت وتزوجت من زوجة من نفس المنطقة وكانت في بداية الزواج تبين لي انها مختلفة نوعا ما عن ما اسمع من بداية زواج للاخرين وما اعتادوا عليه خرجنا لشهر الع...........ل ؟؟؟



عندما كنا هناك أقول لها اشتري هدايا لأهلك وتشتري بكل ثقة لا وكانت تشتري لنفسها بعضا من الملابس – حينها قلت وين كلام الناس أن المراءاة بداية الزواج تستحي وتقول لا مآبي شي - تصدقون جاية من بيت أهلها ما معها الا ملابس قليلة اظطريت بعد شهر من الزواج ان اذهب بها للسوق عشان تشتري تنانير ؟؟؟ وبعضا من الملابس

لاحظت أيضا من بداية الزواج انها كسولة ولا تعتني باهميه ترتيب المنزل

المهم مع الأيام قلت الأمر بسيط و تتعدل راحت الأيام وبدأت بيننا المشاكل ومنها على سبيل المثال :

- النفقة : عندما نذهب للتسوق تشتري اشياء لا تعرف قيمتها وكان من دواعي غضبي انها ما تكلف نفسها لمعرفة قيمة القطعة وعندما اسألها تقول مدري بكم وفاتورة جوالها كانت تصل 500 وحينها اقترحت ان اخصص لها ألف ريال شهري ورفضت ذلك ؟؟؟ ثم قلت فاتورة جوالك خارج المبلغ ورفضت مع انني اظطريت بان اجعل لها حد ائتماني بمبلغ 300 ريال سعودي واستمريت في المصروف المفتوح وسداد فاتورتها المحدده مع أنني احيانا اصرف لها في الشهر الف اوالفين في السوق واحيانا لاتخرج في الشهر كاملا المهم ازعجني الموضوع وقلت لنفسي لا يكون سبب انفصال او مشاكلي.. الفلوس تجي وتروح مع انني موظف براتب مجزي بس المستقبل لها ولابناءها والفلوس اللي يمكن الواحد يوفرها سيكون المردود للزوجة وابناؤها – مرة تفاهمنا وقلت اذا انتي خايفة اتزوج عليك ؟؟؟قالت يمكن قلت يابنت الحلال اللي يبي يتزوج يقدر بقسط و ياخذ قرض اما انك تنهكيني بمصارف كماليات ترا هذا غلط --- راحت الايام توظفت على الاجور براتب فوق الالفين بشوي قلت لها راتب الشغاله عليك قالت (( لا )) قلت ليش قالت اذا الله رزقني وظيفة رسميه وزاد راتبي
-
بس انا راح اكفيك مصاريفي وهذا امر جيد قلت ((طيب )) بعد عدة اشهر صارت تطلب
قلت يابنت الناس وراتبك؟؟؟ مرة تقول تاخر ومرة تقول ما كفاني ومرة تقول ان النفقة عليك المهم تعبت معاها مع انها تصرف من راتبها ولكن مرة تشتري فستان على حسابي ومرة فاتورة جوالها مع انها فكت الحد الائتماني وقمت بسدادها احدى المرات

اليس في ذلك تبذير ؟؟؟

المشكلة لاتكمن في ذلك فقط؟؟؟

ياسادة انا اسكنها خمس نجوم عندما نسافر والبيت ست نجوم
في مكة نسكن دار التوحيد او ابراج الهلتون وفي جدة الشيرتون وفي الخارج خمس نجوم


- الخروج للسوق: تحبذ خروج السوق ومرات عديدة اقول اشتري من اول او ثاني مرة,,, تصدقون اكثر من مرة ندوج السوق كامل ثم نطلع تقول مالقيت شي وأحيانا تلقى شيء ثم نرجع ندور الشئ الأخر القطعة الاخرى في سوق اخر مثلا تنوره او بلوزه واقول احيانا روحي مع إحدى خواتك قابليها بالسوق وتسوقي وخلصينا تصر الا ان أكون معاها وانا ما حب السوق فهمتها ما فهمت ونادرا جدا ماتروح مع اهلها انا اكره كثرة الروحات للسوق واحيانا اظطر من الزعل انزلها واقول ارجع لك لما تخلصي


- زيارة أهلها: تحب تروح لأهلها بشكل فضيع انا اوديها كل أسبوع مرة على الرغم من بعد المسافة حوالي أربعين كيلو ومع ذلك تحسسني انها مراعيتني والا المفروض تزور اخوانها وخواتها بشكل اكبر مع اني اوديها خواتها أحيانا * أول ماتزوجنا تقول أنت بتوديني لأهلي ثلاث مرات بالأسبوع زعلت انا منها المهم توصلنا مرة با لاسبوع المشكلة انها اذا راحت احيانا تفضل تنوم عندهم واحيانا تقول ودني من الظهر يوم الخميس ؟؟؟

ياناس ابي حل ؟؟؟؟؟
صدقوني لم ابالغ او اكذب

- قلة اهتمامها باهلي :
اهلي حاطة بينها وبينهم حاجز مو طبيعي ليش ماادري وعانيت من ذلك مع انهم يسكنون مدينة اخرى ماتروح لهم دايم امي وابوي تعاملهم ببرود يعني ماتتودد فيهم او تبين لهم انها من بناتهم او زوجة ولدهم ولو كذب تعبت من ذلك كنت التمس لها العذر واتعذر عنها قلت لها مرة غيري اسلوبك زعلت طنشت ومشت الايام وفي الاخير صرت اطنش وفي الاخير مرة صرت احش فيها عندهم من القهر
اذا قلت لها نروح هالاسبوع لاهلي ترفض احيانا بدون سبب واقول انا رغبتي تروحي معايا هالاسبوع ( الاجازة الاسبوعيه) تتعذر وذا لزمت ترررررررررفض مع اني اغلب الاسابيع اخليها عند اهلها واروح لاهلي ,,,,اساسا ابغاها تروح احيانا يعني كل شهر او شهر ونص لانو اولادي كمان اهلي يفرحو بيهم زوجتي وبنتي والا ايش رايكم؟؟؟؟؟؟؟؟؟


والاعياد كانت تعيد معي عند اهلي في المدينة الاخرى وتطلب مني اوديها اهلها؟ طيب يابنت الناس احنا وصلنا ليلة العيد واهلك على طول السنة تشوفيهم

وبعد ثلاث سنوات زواج قالت ما روح العيد ابغي اعيد عند اهلي انا بصراحة رفضت؟ طيب جينا نتفق انو ممكن تعيدي عندهم بس على حسب.... قالت لا.. عيد عند اهلي وعيد معاك وعيد الفطر يكون عند اهلى مع اني متنازله لان العيد من حقي اني اعيد مع اهلي ( يعني راح تتنازل لي بعيد الاضحى وتروح معي )

طيب وطاعة الزوج,, وانا من حقي كمان ان ابنائي يعيدو مع ابوهم تقول اذا كبرو العيال يختارو( حاليا يوجد بنت صغيرة) العيال بشكل عام مستقبلا وهذا من خلال النقاش ؟؟ طيب اذا انا رغبتي تروحي معايا تقول لا مو على كيفك ؟





- قلة اهتمامها بالبيت: لا تهتم بالمنزل ومعاها شغاله ولا اشوف أي اهتمام يعني اذا انا قلت نظفي الحوش وتغسلوا الشغالة والا يمكن يجلس سبوعين لو ماقول ؟ الثلاجة أكتشف اشياء منتهي تاريخها ماتطلعهم ؟ الطبخ مشي حالك قلت لها طوري من قدراتك تزعل *** المشكلة نصيحتي تتصور انها انتقاد والله ان نصايحي لها من محبة وهذا اعتقد بانه امر طبيعي حتى لو كان نقد هادف المفروض تقبله بصدر رحب


- عدم اهتمامها برايي:: بقوة رايي زي قلته يعني ماتحسسني بوجودي في حياتها كزوج مثال : يعني انا من الناس ماحب اشوف اظافر طوال اقول قصصيهم احيانا تنسى واحيانا تتجاهل = احيانا تغير في ترتيب اثاث البيت بطريقة غير مقبولة عندي واقول رايي ثم تعاند وتصر هل تصدقون مرة حلفت هي ان الحاجة هذي ماتتغير من مكانها يعني تحلف علي ؟

- العناد والمكابرة::::: تعاند في اشياء كثيرة واقول هذا خطاء تقول موب عناد؟؟؟وتزعل علي من اتفه الاسباب

- الشك::::اووووووووووووه يالشك تشك اني ابتزوج عليها وتشك اني بتزوج مسيار وتشك في ارقام تلفونات بجوالي تصدقون مرة اكتشفت انها تشك في ارقام اللي مخزنه بجوالي؟؟؟؟ وصارحتها ليش تسوين كذا قالت انت اللي مخليني اشك طيب وش انتي شايفة انا عرفت انها متاثرة بمجتمع سلبي المراءة تخاف زوجها يتزوج عليها وطاير قلبها من المسمى مسيار واللي يبدو لي ان فيه من يخرب عقلها بمثل تلك الامور
والله ياخواني اني مو مكان للشك وهي عارفة تصرفاتي انها طيبه؟ لذلك بس المراءة هذي عجيبة جدا تشك في محبتي واخلاصي لها

- دايم وينك رايح وينك جاي ؟؟؟ اسئلة عجيبة حتى لو اتاخر بعد صلاة العشاء ساعة وانا ماقلت لها وين كنت لابد من الاعتراف والافان الزعل جاهز ؟؟؟

- ياخوان انا تعبت واخر شيئ وديتها اهلها ومعاها بنتي الحلوة وشغالتها وليقضي الله امرا كان مفعولا مع انني سبق ان وديتها لاهلها بس ماكو فايدة

- لاتقولون لي اخوانها والا اهلها لانهم مع الاسف من طينة وحده شرحت الموضوع لهم اكثر من مرة ولا فائدة تذكر= شاورت احد اصدقائي فقال يابو طارق احسم امرك ؟؟؟؟؟؟؟؟؟؟؟؟؟؟؟؟؟؟؟؟؟؟


لو انا اكرهها او ما اتمنى استمرار حياتي معها كان انفصلنا من اول سنه بس يبدو ان مافيه معاها اي تقدم ؟؟؟

- وانا الان اقول ساتصل بها فاما تعود كما بقية نساء الناس مطيعة محبة لبيتها ولزوجها والا فالانفصال ليس نهاية الدنيا بل قد يكون البدايه

والله ما خلاني اكتب هذه القصه الا الطريقة العجيبة واكتشفت الان ليش تكون فيه مشاكل زوجيه وبعد اربع سنوات من التعب والهم انا الان سعيد بالوحده فالوحدة خير من زوجة سيئه الخلق مع زوجها

- طبعا هي تحب نتمشى وتحب المطاعم وتحب ان نخرج بشكل مستمر وانا اشاركها احيانا تلك الرغبة بحدود ولكنها تفضل ان تكون هذه هي الحياة السعيدة في نظرها والكماليات من اولوياتها

- استنير برايكم احبتي بالله ( جزاكم الله كل خير ) من واقع ما ذكرته..واسف على الاطالة

- والسلام عليكم ورحمة الله