العيد الي طاف حجزت طاولة في مطعم وطلبت منهم يجهزونها بشموع وشغلات ومزهرية
فيها ورد طبيعي ووصيت على كيكة صغيرونة من مخبز انا احب اكله لانه لذييييييذ مايقاوم ووديتها لهم انا تحججت عليه قلت له البيت يبوني شوي وراجعة

وانا عندي الوقت متاح لانه زوجي مو بحريني وينزل لي بالاجازات وكذا

صارت له هدية عزيزة على قلبه للحين يذكرها لي بس للاسف ماكملتها لانه مارضى الا يدفع هو باقي ثمن الاكل وغيره من الي مادفعته

وتبين الصراحة انا ماكان عندي فلوس كل شي هههههه زين انه كمل لاني كنت توني اهديته في بمناسبة قدوم رمضان والميزانية متخلة مع العيد بعد وكنت بسافر بيت الله اسوي عمرة

اما هذا العيد فمحتاااااااااااارة وايد قدمت له هدايا كثيرة خصوصا انه قبل كم يوم كان ذكرى زواجي وسويت له اشياء ومفاجات واهديته هدايا
لوحه خشبية من تصميمي نحت وحرق على الخشب بكلام حلو وزينتها بخرز وطلع منظرها رهييييب
والبوم فيه صفحة اولى عمر زواجنا وشمعة وحده وصورنا وصممت
عليهم اطارات وبعض الشغلات بالفوتوشوب وضممت اليه بعض خواطرنا وانهيته بدعاء في تصميم حلو
واهديته عطر من حامل المسك
وانا تكشخت ورحت كوافيرة ومكياج ورحنا استوديوا صورنا ومعظم تعشينا وسوينا حفلة صغيرونه شموع وكيك وسويت نمبر ون بالشموع على ارضية الغرفة واستاجرنا اول شقة سكنا فيها قبل تجهز شقتنا ذي اممممممم وبعد ايوه تذكرت كان ليلة جمعة فانتهزت الفرصة ورحنا نتعبد اخر الليل بعد ماخلصنا كل شي وصلينا صلاة الليل ورحنا الفجر البحر نستقبل شروق الشمس ونجوف طيور النورس

احس نفذت كل افكاري

بس جفت ليلة عجبتني في المنتدى الليلة زرقاء انك تجيبي شيفون ازرق وتثبتيه في ارضية الحمام وتشتري اصداف تجي الي حق الزينة في سلة وشموع على شكل اصداف وريحة بخور في الحمام وانك تلبسي قميص حرير ازرق

الفكرة حطيت عليها اشياء من عندي :
وتربطي شعرك بقطة قماش زرقاء هههههههه تكونوا زي موحد انتي واغراضك والهدية اين تكن نوعها في صندوق ازرق بعد وتغليها يتضمن الشيفون الازرق

افضل الهدية تكون من ابداعك او شي غريب

انا لحد الان افكر اسوي الليلة الزرقاء بس طبعا بعد العيد لانه ماراح يكون متواجد معاي رح يروح لاهله

وراح انفذ الرسم على الزجاج باخذ مرايا وبوديها محل يطبعون لي عليها صورته طباعه بس وبنزل اطار من النت وبصممه على اللوحة وبلونها بالوان الزجاج التركواز والاخضر ومحدد الذهبي
وبكتب كلمتين حلوين مختصرة بضمنهم الزجاجه وبغلفها

وبعد جالسة ادور الفوانيس الشفافة الي الزجاجات اقد اخلسهم تكون اربع جهات او ثلاث وبخليهم يطبعون صورتي وصوره على الزجاج ولما نولع النور تظهر صورنا
وبشغله له ليلة الي بسويه له حفلة علشان تكون زي الاباجورة

بطبخ له شغلات جديدة اتعلمتها من النت وبزين نفسي وبكشخ بثياب العيد مرة ثانية بس هذا الي في بالي بس الفكرة يمكن يطرأ عليها بعض التغيرات هههه خصوصا ان الميزانية مش ولا بد

موفقة خيوتو ملك

__________________