زوجهــا مهبل فيها من سنتين .. نصيحتكم لها
بسم الله الرحمن الرحيم
السلام عليكم و رحمة الله و بركاته
هذا أول موضوع لي معكم بهالقسم
و كان ودي يكون خاص فيني مع إختلاف المضمون لكن تجري الرياح بما لا تشتهي السفن
القصه ومافيها أن لي زميله في الدراسه صرحت لي بقصتها وماعرفت بأيش أنصحها بالضبط
خبرتي في العلاقه بين الزوجين صفر ... فمالنا غيركم طبعا بعد الله
البنت كانت تحب ولد خالتها وهو كمان يحبها لكن مشكلته غير ملتزم الله يهديه وهي مستقيمه الله يثبتها
المهم أنخطبت من أول سنه جامعه من شاب ثاني أفضل من الأول قبلت فيه لدينه
أول ماسمع بالخبر ولد خالتها جاء و خطبها
خطبها تقريبا 6 مرات و أبوها يرفض لأنها مخطوبه
لكن قدر الله الخطبه ألي استمرت سنه من ذلك الشاب ما تتم و أنفسخت لظروف حصلت بينهم
المهم
ولد خالتها أول ماعرف بخبر إنفصالها خطبها بعد سنه وحصلت الموافقه من أهلها
أستمرت خطبتها سنه مثل سابقتها ثم تملكت
كان دائما يكرر عليها أنا خطبتك من أبوك 6 مرات وهو يرفضني
فتقولي كأنه حاقد علي و أبوي ويبي ينتقم منا
و بعد ما مر على الملكه ثلاث شهور الولد تغير وقاطعها فتره طوييييييله تصل لـ6 شهور
و بالأخير قال ما أبيها .. ماتصلح لي !!
ثم بعد فتره غير رأيه في وقت هي كانت تبي تطلب الإنفصال لأنها تعبت معاه
لكن لما شافته تعدل قالت يمكن عين أو مثل كذا خلاه يتغير
أستمرت معاه ثم حددوا موعد الزواج كتحديد مبدئي
لكن بعد مرور شهرين من رجوعه بدأ يطنشها هي و أهلها مره ثاااااانيه وهي مره متضايقه منه
تقولي خلاص كرهته ما تأمن نفسها معاه بعدين
تخاف من تصرفاته
نهائي مو معتبرها زوجه .. إذا اتصلت عليه يا يطنشها أو يسكر السماعه بوجها
و احترامه لأهلها مو مرررره
و للعلم طباعهم مثل ما قالت لي مو مثل بعض هي شرق وهو غرب
و أمه ماكانت تبيها له لكن الولد ألي أصر أنه ياخذها لأنه مثل ما كان يقول يحبها
وفي الأخير هذي سواياه !!
لها الآن وياه سنتين ونصف كان عندها أمل تنتهي مأساتها قريب لكن تصرفه الأخير خلاها تفكر تنفصل
النفس عافته
بصراحه ما تنلام لكن الطلاق أحسه قوي على بنت بعمرها 24 سنه
أنا نصحتها لا تتعجل لأن من الواضح أنها متعلقه فيه .. لكن من جد حالتها صعبه
بصراحه قصتها غريبه هل معقوله الرجال ينتقم لأنه رفض بالسابق !!
طيب وين راحت الموده ألي كان يدعيها قبل !!
انتظر نصايحكم الله يعافيكم
01-12-2007, 09:03 PM
ضوابط المشاركة
العرض الشجري