والله تعبت من تناقضاته..ماهو الحل معه ؟ احتاج لردود شافيه

30-11-2007, 04:54 AM

مشكلتي اصدق

قلب المنتدى النابض

تاريخ التسجيل: Jan 2006

المشاركات: 3,893

والله تعبت من تناقضاته..ماهو الحل معه ؟ احتاج لردود شافيه

السلام عليكم ورحمة الله وبركاته

مره اخرى مشكلتي اصدق
وقلقها

بإختصار شديد
الأغلبيه منكم تعرف وش قصتي مع (من سيكون طليقي)

انسان متناقض
بأكثر من وجه
بأكثر من نفسيه
بأكثر من عقليه
دخت معاه والله
ما يمديني اقول خلاص صرت افهم الرجال الا يتغير وارجع من الصفر من اول وجديد
يستمتع لما يشوفني اتعب معاه
يحب يشوفني مستميته في ارضاءه ويصعب المسائل دااااااااااااااااااااائما

والمشكله الرئيسيه اللي خلتني اطلع من البيت واطلب الطلاق هي :
[blink]الشك وانعدام الثقه[/blink]
وبما اني لم احوز على رضاه

ولن احوز عليه

ولم اكن في يوم من الايام الزوجه اللي ترفع راسه( في اعتقاده )

انا قلت اخذها من قصيرها واطلع
تلفت نفسيتي وانا احاول ارضيه

تعرفون ايش معنى تلفت؟

خلاص كل معاني الزواج الحلوه والله اتلفها

ولا صار فيه لا ألفه
ولا حب
ولا رحمه
ولا احترام

ولااااااااااااااا شي

جيت عند اهلي الان داخله في سابع شهر
معلقه

لا انا المتزوجه

ولا المطلقه

طبعا هو واهله طلعوا علي كلام

واجهناهم وانكروه ولا عاد سمعنا شي

احنا والله ثم والله ساكتييييييييييييييين
واذا احد سألنا قلنا ماتفاهمنا وبس

المشكله الان في الاخ ابو وليد
لا هو اللي طلق
ولا اللي راح يتعالج
ولا حاجه

تاركنا كذا

سلبي جدا جدا

كان كل ما يكلمه ابوي يقول فيه اجراءات

الحين يقول ما سويت شي
(كل اللي صار ويقول ما سوى شي)

وابغاها ترجع
(والله ما ارجع لو كان تشرق الشمس من مغربها ..ما ارجع)

وانا ما فيني شي واذا بترجع ترى انا زي ما انا
(خل غرورك ونشفان راسك ينفعونك..انا خلاص..بح..مافيه)

وطالما هي عندكم انا مو مسؤول عن نفقتها
(هل صحيح ان الزوجه اذا هي اللي طالبه الطلاق ما يحق لها تطلب مصروف طول فترة تعليق زوجها لها؟
صحيح انا طالبه اتطلق بس هو ما طلق..معلقني)

واذا طلقتها لازم توقعون ورقه اني مو مسؤول عنها
(بالله كيف مسؤول عني وانا في حكم الاجنبيه عنه؟)

ابويا قام يتمهزل عليه
قال له
( يعني كيف مسؤول عنها ؟ اجل اذا هي تزوجت كمان بتكون مسؤول؟)تدرون وش قال؟

قال:
(ما ادري والله! يمكن اصير اعطيها مصروف ونفقه اذا هي تزوجت!!!!!!!!!!!!!!!!!!!!!!)

ابويا جا ولسان حاله كذا

طالعني قال ايش هذا يابنتي؟
انتي كيف كنتي عايشه معاه؟
هذا مهو بصاحي

الحين يقول انا مو مسؤول عنها بس يمكن اذا تزوجت من غيري اصير مسؤول واعطيها مصروف
بالله هذا صاحي؟
بالله هذا من صدقه؟
(ترى والله من صدق يتكلم ما يستهبل انا عارفته)وفيه طلب طلبه
يقول وليد هو اللي ياخذه ولازم انا اوقع تنازل عنه
بالله هذا حق منه؟
طيب وين يجلس الولد؟
مع مين ؟
اذا بيرجع من المدرسه يرجع عند مين؟
مين اللي بيأكله ويشربه ويدرسه؟

وليد بنفسه يبي ابوه
بس مو كذا ياناس

اوقع تنازل؟؟؟؟؟؟؟؟؟؟؟؟؟؟؟؟؟؟؟؟؟

تنازل؟

يعني ايه
خلاص مالي حق فيه؟
انسى اني خلفت في يوم من الايام؟

ماني فاهمه والله

يقول بأوكل محامي علشان افهم ليش هي طلعت ؟
سبحان الله
الحين لي سنيييييييييين اتكلم ومو فاهم!

ولي شهور عند اهلي وتكلمنا ومو فاهم!
ابوي كلمه ومو فاهم!
عمي كلمه ومو فاهم!

اشلون يعني وبعدين ومتى بيفهم؟

قال له ابوي: الحين احنا قاعدين نستر عليك وما نتكلم وانت تبي فضايح
خلاص وكل محامي!

الحين مافيه الا ننتظر للسبت ونشوف ايش بيسوي
ورح ارجع واقول لكم لا بيوكل محامي ولا شي

بس يماطل ويخترع سوالف

الحين عندي كذا تساؤل ومحتاجه لردود ومن متخصصين او اللي له تجربه اكيده

س1:انا طالبه الطلاق.ومع ذلك ما طلقني.وعلقني الان سبعه شهور .هل يحق لي ان اطلب منه مصروف في هالمده طالما انا معلقه وابني معاي كمان؟وهل لي نفقه بعد الطلاق مع اني ما اظن؟

اذا ممكن اطلب منه فكم هو المبلغ المحدد شرعيا؟ لي وللولد؟اللي اعرفه انها بالريال السعودي تجي 500 ريال بس سمعت انها 800!

س2:هل يحق له ان يطلب تنازل مني عن ولدي؟ بهذا المسمى (تنازل)؟

س3:اذا اخذ وليد (وانا موافقه اصلا لأن الولد اصلا يبي ابوه)كيف يصير يجي لعندي؟
هل فيه طريقه محدده وايام ومده زمنيه محدده يصير يجي لي فيها؟

س4:طيب الان هو مو متجاوب لا يتعالج ولا يطلق.كيف اخليه يطلق(لأن ابدا مو من مصلحتي ارجع طالما هو مو راضي يتعالج)..اقدر اجيب تقارير من الدكتور النفساني انه خطير علي اذا انا رجعت(وهو فعلا خطير)..اقدر اروح المحكمه وارفع قضية طلاق والا ايش؟ ما نبي فضايح ابدا بس هو حدنا عليها..ابي طريقه تخليه يطلقني وبكل هدوء....كيــــــــــــــــــــف؟

سامحوني طولت بس والله محتاجه لكم مرررررررررره
ودي القى اجابات ولو شرعيه وقانونيه
جزاكم الله كل خير مقدما.....

*

الاشراف / تم تعديل العنوان ليكون بالفصحى

__________________
[/IMG]

التعديل الأخير تم بواسطة رقة ; 02-12-2007 الساعة 11:56 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه