المشاركة الأصلية كتبت بواسطة البحلة بالنفس

اخي العزيز انا بجاوبك على اسألتك على اساس كلنا عارفين الحكم الشرعي يعني مارح ادخل في الحلال والحرام انما بجاوبك زي ماحددت في بداية الموضوع ليش النساء تسوي كذا.. بعطيك الدوافع اللي تخليهم يسوون كذا..

طبعا بعد ضعف الوازع الديني وتطنيش الاهل للبنات فيه عدة عوامل اولا الغيره بالذات اذا كانت المرأة متزوجة وطالعه مع زوجها تموت قهر وغيرة اذا لقته يطالع البنات المتبرجات وايضا للاسف البنات يصيرون يناظرون الزوج ويحتقرون الزوجه ويقولون فيما بينهم بعذر الرجال يطالع شوفي شكل زوجته وكأنها يعني ماتقدر تتبرج له في البيت..

هذا يدفع المرأة للتبرج اذا خرجت مع زوجها عشان تثبت لنفسها قبل زوجها انها احلى منهم فهو دافع نفسي سبحان الله..

الشي الثاني بعض البنات اللي كبرو في العمر ولم يتزوجو يتلذذون باي كلمة غزل او نظرة اعجاب حتى لو هي ماتبغى تخرب بيوت او تكون علاقات بس سبحان الله نظرات الاعجاب وكلمات الغزل تصبرها عن عدم وجود الزوج..

الشي الثالث الان البنات صارت تروح السوق كثير وزي مانت عارف عندنا مافي اماكن تنزه كثير يعني الناس تتجمع بالاسواق او المطاعم فصار تنافس بين البنات مين لابسه احلى عبايه ومين شايله افخم شنطة وهذا اصبح للاسف دافع للكثير من البنات التفنن بالعبايات والعطور والشنط والجزم بسبب حب المراة للجمال والتنافس بين النساء..

بالنسبه لموضوع الهيئه في السوق وكيف النساء تتستر لما تشوفهم فجأة بصراحه يعني انا اخاف لمن تجي الهيئه وانا بالسوق حتى لو متغطيه يهاوشوني يعني وش الفايده اذا البنات تغطو قدامهم واول ما يمشون يكشفون؟؟!! الهدف هو توعيتهم و نصحهم وليس اجبارهم بالقوة والصراخ والتهديد لذلك هم يخافون منهم لحد مايروحون وبعدين يرجعون كما كانو..