بسم الله ما شاء الله الاخت مستكة كفت و وفت بصراحة
بس انا احب اقولك حاجة الاسعار اللى ذكرتها اختنا مستكة اعتقد للمصريين عشان السعر للاجانب بمعنى اللى مش مصرى بتكون اغلى و ساعات بتكون بالدولار

و انا اقترح عليكى برضو الاقصر و اسوان برضو جميلة جدا جدا بس انصحك اول زيارة تكون فى القاهرة او شرم الشيخ لان المتع فيها حتكون كثييييييرة برضو الاقصر و اسوان من جنات ربى على الارض بس عشان الاثار و النيل و اهل النوبة الطيبين لو كنتى شوفتى فيلم مافيا ممكن تفهمى قصدى

و فى كمان منسى عندنا فى مصر بس برضو جميييل جدا هو واحة سيوة هى بس بعيدة شوية يعنى طيارة لمطار مرسى مطروح و بعدين اتوبيس لسيوة بس احنا بنعملها بالعربية و هى اللى اتصور فيها فيلم ابو على برضو المناظر جميلة بس ده برضو بعد ما تشبعى من القاهرة و شرم الشيخ و لى رأى برضو فى فنادق خليج نعمة طبعا هى احسن فنادف فى شرم الشيخ بس فنادق هضبة ام السييد ارخص منها هى طبعا مش على الخليج بس كل فندق بيوصلك بالميكروباس بتاعه الى البحر كل يوم و بيكون ليه برضو شواطئ خاصة بس انا بفكر انك جتى اذا ركبتى تاكسى بـ 30 جنيه رايح و 30 راجع يعنى 60 جنيه كل يوم اكيد برضو حيكون ارخص من فرق الاقامة فى الليلة الواحدة عموما ممكن تسألى و تشوفى

و ان شاء الله تنبسطى فى مصر (بس الدنيا حتكون زاحمة عشان كل الامة الاسلامية اجازات فالناس بتنطلق)

و تنورينا بأذن الله

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة