أحتاجكم .. ابي اعرف الإجابة ..
السلام عليكم .. .
طبعا الكل يعرفني.. من زود مشاكلي..
اسمحولي غثيتكم
عندي اسئلة ماعرف لها جواب..
البارحة كنت بالسيارة .. وامي وخالتي يتناقشون .. ومع السوالف طروا.. زوجي.. وطبعا ماكانو يمدحونه
وانا اتضايقت .. قلتلهم شو رايكم اتسكرون الموضوع ... فقالولي دامج تبين الموضوع يستكر فانتي بعدك اتحبينه وبعده ياثر فيك ومن هالكلام .. قلتلهم مابي اعبر عن مشاعري الحين .. خلاص سكروا الموضوع ...
وبعدين امي قالت طاريه والموت واحد .. !!!
انا حسيت اني بموت ..
انا وزوجي متفقين بانه يجي يكلم امي.. لكن خالاتي اييون من الكويت .. وكل مرة وحدة تجي من غير مادري .. يعني يسوون لي مفاجأة ومن هالكلام ..
اسئلتي هي..
1- البارحة حسيت من كلام امي.. ان يمكن ماتتقبل زوجي ابدا.. وانها ماتعترف بان الانسان ممكن يتغير..
عادي مثلا لو انا رجعت لزوجي وامي مو راضيه؟!
2- منو رضاه الاهم امي ولا زوجي؟!
3- وللي يعرف تفاصيل مشاكلي.. هل هي تستحق الطلاق؟!
4- واذا طلعت مع زوجي وامي مو راضيه .. هل تتوقعون ان امي بترضى عني بيوم من الايام ؟!
__________________
ربنا هب لنا من أزواجنا و ذرياتنا قرة أعين واجعلنا للمتقين إماما
أرجوكم ادعو لي ..بإن ربي يجمع بيني وبين زوجي على خير
إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...
الـعزيـــــــــــــــز بو وداد..
أحبــــــــــــك ...
التعديل الأخير تم بواسطة أم وداد ; 20-10-2007 الساعة 04:44 PM
20-10-2007, 04:40 PM
ضوابط المشاركة
العرض الشجري