* ساعدوني نفسيتي تعبت بسبب خيانة زوجي *
السلام عليكم ورحمة الله وبركاته
اخواني اخواتي اتمنى تساعدوني بحل لزوجي وربي نفسيتي تعبت وماحب اشكي همومي لصديقاتي واهلي فقلت مالي الا انتم تعطوني الحل
بقولكم على مشكلتي
انا متزوجه لي ثلاث سنين تقريبا اكتشفت بعد زواجي تقريبا بسنه ان زوجي يكلم بنات اكتشفته برسائل شفتها في جواله المهم واجهته وكانت ردت فعله انه حاول يضربني لاني اطلعت على رسائله
وكان يحذرني من مسك جواله واحيانا يقفله المهم بعد هذي السالفه زعلت منه تقريبا يومين ولا كلمته وكان يقولي ان الرسائل هذي مو له مع اني متاكده انها له
المهم كنت اطلع على جواله وهو نايم وماكنت اشوف شي
وقبل يومين شفت رسائل بجواله كانت وحده تشكره على الورد وكانت تقوله في الرساله جيتك احلى هديه
وفيه رساله كمان تقوله فيها تزوج عشان يروح الطفش اللي فيك ورسائل تساله فيها عن حاله
وفتحت صندوق المكلمات شفت فيه مكلمات صادره لها
وربي اني طول اليوم ابكي وكان يسال اش فيني كنت اقوله اسناني تالمني
بديت اكره واكره اتزين له حتى العلاقه الزوجيه بيننا بديت احس ببرود فيها مع اني احاول مابين له
اخاف لو واجهته ينرفز لانه ماعنده اسلوب للتفاهم
هو انسان خلوووق ومحبوب من جميع الناس
وماهو مقصر معي في كلام الحب حتى احيانا يسوي قصايد فيني
بس مادري ليه يخونني مع اني الحمد لله مافيني عيب
وصاابره عليه مع انه مدخن وغير محافظ على الصلاه والصراحه ماعرفت هالصفتين فيه الا بعد الزواج كان قبل الزواج يقولي انه مايدخن ويصلي
ونسيت اقولكم ان ماعندي اطفال وراجعت في المستشفى واكتشفت عندي ضشعف في المبايض وارتفاع في هرمون الحليب
للاسف لم اكمل العلاج لان زوجي ماكان يوديني المراجعات وكل مافاتحه في الموضوع ياجله اشهر وذا عارضته يسكتني بكلام جاارح
واسفه على الاطاله
تم تعديل العنوان ليتضح المضمون ..
التعديل الأخير تم بواسطة عبـدالعـزيز ; 20-10-2007 الساعة 06:54 PM
20-10-2007, 11:56 AM
ضوابط المشاركة
العرض الشجري