اخوي مظلوم الحب
لا تتضايق او تزعل من زوجتك .. في حريم وايدين يمرون بنفس الوضع في اول الزواج
(انا مثلا من كثر ما تعبت اول ليله ما كنت طليقه اشوف ويه ريلي ثاني يوم بعدها صرت انا اللي اطلب)

انت خلك حنون معاها .. الحريم يحتاجون تمهيد نفسي قبل ما تبدا الجماع .. يمكن هي ما كانت مستعدة من البداية او اسلوبك مهما كنت لطيف معاها بس ما ريحها .. ترى الجنس مزاج و كل انسان يرتاح لاشياء معينه تختلف من شخص للثاني

ابدا معاها من الاول .. خذلك كم يوم اتحمل لا تجامعها بس قولها كلام حلو دلعها .. ركز في اللمسات و المداعبات اللي تثيرها بس لا تكمل للاخر .. عطها فرصة انها هي اللي تشتهي و تتمنى هالشي .. هي صارت العملية بالنسبة لها روتينية تقضية واجب و السلام خذ حق و قوم .. و هذا اكبر غلط

العلاقة الجنسية بين الزوجين هي من اهم الاسس اللي يقوم عليها الزواج .. خاصة في بداية الزواج لو ما كان فيه توافق جنسي بيكون صعب ان الزوجين يرتاحون و يتعودون على بعض .. اما اذا حصلتوا التوافق الجنسي من البداية بتشوف كيف بيكون الحب بينكم و كيف بتتعلقون ببعض بسرعه

المهم انت خلك حنون معاها .. ابد شوي شوي و من تحسها ما اتجاوبت قبل ما تقولك خلص انت قوم بس بدون ما تبين انك زعلت .. الاشياء الصغيرة مثل مسك الايد و البوس و الضم لها تاثير وااااااااايد كبير عالحريم .. بس برقه و لطف و عطها وقت عشان تتجاوب معاك

الله يهنيكم ان شاء الله

تحياتي