اولا (كل عام وانتم بخير جميعا)
اليوم اول ايام العيد طبعا الكل مبسوط ومستانس الا انا ...وزي ماقلت سابقا الناس يستنون الاجازه يتعبدون وانا استناها عشان اكرف ..جوني اهل رجلي من بداية الاجازه وانا من يوم جو وانا اكرف كرف (؟؟؟)سواء الفطور او السحور والله مارتحت ولا يوم ومحد ساعدني والمشكله ان حتى خواته الكبار مع رجالهم جاين وعيالهم بعد.....وكلنا محشورين في شقه ايجار وطبعا احنا تونا ناقلين مالنا كم شهر ...من مدينه لمدينه.....وعشان كيذى ما كملنا البيت..حتى المطبخ مواعينه ماكملت......واليوم خالتي ام زوجي قالت لي .البيتت مافيه مواعين تواجه وهذا كله من المره هي الي تحيي الرجال .جرحتني هاذي الكلمه لاني والله العظيم كم مره قلت له يعطيني اكمل البيت والمطبخ وهو يقول بعدين.مو فاضي..ويوم قلتلها هذا الكلم قالت مو صحيح ولدي مايقول هذا الكلام....ضقت اكثر وتنكدت ورحت غرفتي وقعدت اصيح من الحره .اولا من القهر اني ماعيدت عند اهلي من تزوجت ولي 6سنين وثانيا اني اشوف خواته كل اجازه وهم مسيرين لا وعندي بعد يعني بالعربي الفصيح .مافيه فرصه اتنفس:eek:
وانا الحين ضايقه...هل الحل اني اسوي مثلهم......وان سويت كيف راح ارد عليهم لو سألوني ليه رحت وانا معودتهم انهم كل اجازه افتح لهم فندق خمس نجوم؟؟؟؟:( لا والمشكله ان زوجي عصب علي يوم قلتله سبب ضيقتي ...وقال تقبلي اي شي من امي؟؟وبصراحه انا مستحيل اطلب منه يجرح مشاعرها بأي كلمه ...لا هذي مثل امي..بس طلبت منه ..انه لما يكون قاعد ومجتمع معهم ...يقول مثلا ..(انا ودي والله اكمل البيت بس الضروف ماتساعد)ودي يقول هالكلام ولا اكون انا في وجه المدفع.......
__________________
(اللهم سخر زوجي لطاعتك ثم لطاعة والديه ثم اسخره لي ولبيته وابعده عن الضلال ياارحم الراحمين........آمين)