انا بدخل بالموضوع مباااشر ... وبصراحه محتاار جداً .... والله يكتب اللي فيه الخير ... وانا ابي مشورة فقط

الموضوع:

انا من عشااق الانترنت ... وسبب عشقي للنت هو التعرف على البنااات بحجة التسليه ... لكن قبل ثلاث سنوات .. دخلت للشات زي كل يوم .. وشفت ذيك البنت المحترمه حيل ... جلسنا نتكلم يوم ورا يوم صارت بيننا علاقه .. اتحوولت لماسنجر وجوال ... ومن يوم صارت على الجوال ... العلاقه ما صارت علاقة تسليه ومعرفه .. اتحولت لحب .. وبصراحه انا من قلبي اقوول اني عشقت هالبنت ... بنت محترمه وطيبة وحبوبه وخفيفة دم .... واللي يعجبني اكثر انى عرفت بعد 6 اشهر من علاقتنا انها قريبه من عائلتنا وقابلة اهلي في افراح كثيرررة ... وومناسبات اجتماعيه ....واستمرينا حبايب ثلاث سنوات ...

اخر سنه حصل شي انا اعتبره طبيعي ... وما اعرف انتم كيف تنظرو له ....

انا ما احب الكلام في الجنس مع البنت هذي ..؟ ليش
لاني بالفعل احترمها واقدرهااا واحبهاااا حيل .... وربي استحي اقول لها انتي شوو لابسه

لكن هي كانت تحاول تفتح هالموضوع ... وانا كنت حذر واحاول اغير الموضوع لكن هي ترجع له

ومن هناا بدا الاختلاف ...... واتعمق وصارت هناك مواضيع جديد اختلافنا عليها انا ماني رايق اكتبها

يعنى اخر سنه كانت علاقتنا متقطعه نوعاً ما... وبعدين هي سحبت علي وصارت ما تتصل وانا سحبت وصرت ما ادق عليها ولا اكلمها الا اللهم مناسبات اعياد ارسلها مسجات او اقابلها على الماسنجر مره انا اقوولها برب ومرره هي تقول لي برب


الحين انا اتوظفت والحمد لله .... وخلاص بخطب واهلي عيونهم علي ... واخواتي يقولوا شووف فلانه ويش زينهااا .... وامي تنتظر متى افتح الموضوع عشاان تقول مين تبي اخطب لك


بصراحه

انا نفسي في البنت اللي اتعرفت عليهااا ... لكن فيه امور اخاف انها تؤثر على حياتي الزوجية مثل

1- البنت هذي انا اتعرفت عليها عن طريق النت .... وصحيح عائلتها طيبة ... لكن مو حلو اخذها من النت لاني اشووفها غلط

2- اخوي اللي اكبر مني وعيال عمي ... وخوالي يعرفون انى احبهااا لانها هي بنت ناااس معروفين على مستوى منطقتنا ... ييعنى بكره اذا اتزوجتهااا بيقولوا زوجتك خانت اهلها ... او بيقولوا البنت هذي كانت وكانت وانا جداً غيور

3- البنت في السنه الخامسه طب يعنى راح يكون عملها مع الرجال على طووول وانا ما احب هالشي لاني اغار حيل

4- تعامل البنت في الفترة الاخيرة ما اعرف كيف صار ....يعنى طنااش عجيب ... وانا صح اتقطع من قلبي لكني حتى انا مطنش ...

5- اخيراً هي من بيت فوق يعنى عايشه غير عيشتنا يعنى فيه فرق في مستوى المعيشه كبيررر


وانا محتار بين هذي البنت ..... وبين بيناات عيال عمي

يعنى انا عندي بنات عم ما شالله عليهم حلوين ومحترمين ومؤدباات حيل .... وسمعتهم زي العسل

فأنا اقوول انا اخذ بنت عمي اولى من غيرهااا ... ولما ارجع لنفسي اقول البنت اتركهااااا وهي والله انى احبهاااا

لكن بنات عمي بنفس المواصفاات ويمكن احلا بعد ... لكني احبهااااااااااا كيف اتركهاا

ايش الراي ... هل بنات عمي ولا هذي البنت

ابي تحكمون عقولكم قبل قلوبكم ... لان بعض النااس يقول حرااام تتركهااا بدون ما ينظر للأسباب