[هل هناك امل في تغيير هكذا رجل؟!]
.. السـلام عليكم ورحمـة الله وبركاتــه ..
كل عام وانتم بخير .. ان شاء الله الجميع بصحه وسلامـه
لثقتي الكبيره بكم وبآرائكم وطريقة حلكم للمشاكل وخوفكم
على مصلحة كل اسره والمجتمع ككل
قررت طرح مشكلة وارجو منكم المساعدة والدعاء
فتاة عمرها 20 خطبت من سنه ( بينهم ملكـة او عقد )
واكتشفت ان خطيبها له علاقة ببنات ماتدري بعددهم وحده ويمكن اكثر
كشفته للحين كذا مره وفي كل مره ينكر
حاولت تغلط نفسها وتكذب عيونها بس الحقيقه ظاهره وحتى الطفل الصغير يلاحظها
هو في الظاهر انسان طيب وهادئ جدا ماهو سيء بدرجة كبيره
يعني الا يشوفه اول مره يرتاح له جدا ولاخلاقه
بس مشكلته قليل الابتسام غامض جدا يزعل بسرعه وبدون سبب
او احيانا بسبب بس مايسوى ويرفض يقول ليش زعلان ومتضايق
يطالب خطيبته انها تكون صريحه معاه وتفتح قلبها
وهو حتى لما يكون متضايق مايقول ليش متضايق ويسوي مشكلة
واذا سئلته عن السبب يقول ما يحتاج!
قبل يومين صارت مشكله بينهم بسبب ان البنت طلعت مع امها
مع العلم انها اعطته خبر واستئذنت منه قبل خروجها
بس هو طبعه بشكل عام شكاك يفتش جوال البنت
يشوف رسايلها ويسئل عن البنات منهم هذولا يحب يعرف التفاصيل
يتضايق لما تطلع بدونه اي مكان
ولازم تصير مشكله
حتى لو راحت لزواج احد اقاربها ! يوديها ولما يرجعها تصير مشكله!
ولو راحت لازم ماتجلس اكثر من ساعه !
هذي مو كل الاشياء في اكثر
البنت ثقل قلبها عليه وصارت ماتحبه يعني عافت العيشه معاه
واهلها مؤيدين الانفصال بس ينتظروا قرارها
لكن البنت في حيره من امرها هي صحيح ما ارتاحت طول هذي السنه
وصبرت وطنشت عن اشياء كثيره جدا بس ما ودها تستسلم بهذي السهوله
عندها امل في التغيير بس كل خوفها ان بعد الزواج يتطور موضوع علاقاته
وخايفه تضيع عمرها وتخسر نفسها
والانفصال بدون دخول اهون من الانفصال بعد الزواج
البنت طبيعتها مسالمه جدا وهادئه وكتومه لابعد حد
يعني توها الحين تتكلم عن علاقاته لاهلها مع انهم كشفوه من قبل ووالد البنت
جلس معاه وتكلم ونصحه بس مافي فايده !
البنت خاطرها مكسور وبقوة تحس انها مخدوعه
وفي حيره شديده من امرها وخايفه جدا من الانفصال تجربه صعبه جدا
وصبر البنت نفذ ماتقدر تتحمل احد يشاركها بزوجها
وهي مو ناقصها شي جميله ومتعلمه وتهتم بنفسها وبقوة وهذي شهادة منه
مدلعتنه على الاخر اذا زعل تراضيه وساعدته في امور كثيره في حياته تنازلت حتى عن حقوقها
اهل البنت كذلك مدلعينه على الاخر ويعاملوه مثل ولدهم بالضبط
باختصار سووا الا ما احد يسويه لزوج بنته
اكتشفوا انهم كانوا طيبين بزيادة لدرجة الغباء!
مشورتكم ونصحكم البنت متحطمه وكارهه حياتها بدرجه كبيره!
ومعقوله انسان يحب زوجته ويكلم غيرها؟! ولا ما يحبها وكان يخدعها طول هالفتره؟!
الله يوفق كل من يرد على هالموضوع
التعديل الأخير تم بواسطة أكره التعقيد! ; 09-10-2007 الساعة 02:37 AM
09-10-2007, 02:34 AM
ضوابط المشاركة
العرض الشجري