السلام عليكم


سبق وعرضت مشكلتي هنا ولقيت مساعدات وحلول من الاعضاء والعضوات جزاهم الله خير كانت سبب بعد الله برجوعي لزوجي


الآن رجعت بعد فترة مشاكل دامت كم شهر والسبب الاساسي لرجوعي عيالي


ورجعت بشروط وافق عليها زوجي شفهيا ولا حقق اي طلب منها الى الآن


صبرت وقلت يمكن بالتفاهم يلين ويوفي بوعده وكل يوم يقول بكره ولا جاء بكره


بدأت الاهانات من جديد والضرب لدرجة انه علامات ضربه على جسمي واضحه ويعلم الله انها لسبب تافه


اعتذر وسامحته


على امل انه يتعدل

رجع للاهانات القاتله وكل يوم يهددني بالطلاق والطرد ويقول خوذي سياة اجره وروحي بيت اهلك او اتصلي على اخوانك ياخذونك

تحملت وسكت عشان عيالي


وطبعا انا بالمقابل مو ملاك يعني يوم اوكي ويوم نفسيتي تتدمر منه


حاولت اغريه وافتنه وادلعه واهتم فيه ثاني يوم يجي اخس من اول وكأني ما سويت شي


لسانه بذئ جدا

تعبت نفسيا

يهدد بالطلاق كل يوم


في يوم قلت له طلق الله لايردك وقامت مشكله كبيره بننا وطلقني


وقال اتصلي على اخوانك ياخذونك


تماسكت هذاك اليوم ولبست احلى لبس عشان اقهره بجمالي ويمكن عشان ارقق قلبه لي وكله عشان هالولدين


رجعني بنفس اليوم


وطبعا يعلم الله مايدري احد الا انتم الآن


تعبت

مليييييييييييييييت

ما زالت سلسلة الاهانات الى اليوم


امس قهرني وقلت خلاص يكفي ما ابغاك ابدددددددددددد


بروح لاهلي قال روحي

والآن تراجعت

وقبل شوي تكلم علي بكلام جدا جارح وقال قولي لاهلك يجون ياخذونك وبدون العيال

ويقول يبغى يطلق

وش رايكم


تحملت الى اقصى الحدود ولا تكلمت او اشتكيت لغير ربي

واهلي ما يدرون عن اي شي


الحين ابي مشورتكم الله يجزاكم الجنه لمتى اتحمل هالذل هذا

ذليت نفسي كثييييييييير عشان عيالي

لمتى اصبر

الحين يطردني ويقول روحي وانا ساكته


اقسم بالله لو يدرون اخواني بوضعي هذا ان ينجنون من القهر ولا يخلوني


انا المدلله ببيت اهلي الكل يحبني ولا احد يجرحني بكلمه وعند هالزوج الاقي اصناف العذاب والذل والقهر

الله يخليكم ابي حل احد يأيدني بحل حقيقي

عيالي مستحيل يخليني آخذهم اعرفه نذل ويذلني فيهم


والله سمعت كلامكم اللي من اول وحاولت اتغاضى


بس هو ما يعجبه شي ابدددددددد


طول اليوم مناقره وسب وشتم وقدام العيال


احيانا بس يصير طيب اذا يبغى الفراش وغير وربي يصير شرس وفظيع

وش اسويييييييي


تعبت تعبت


اقوله الرسول صلى الله عليه وسلم يقول اتقوا الله فيهن فأنهم عوان عندكم .. يعني اسيرات


وخيركم خيركم لاهله وانا خيركم لاهلي

انا امرأه اخاف ربي لكن ابتلاني بزوج خسيس ما يخاف الله فيني وش اسوييييييييييي



من خلال ردودكم بعد الله راح احسم امري واقول لاهلي واطلب الطلاق النهائي

او اشوف حل لهذا الذل


والله ان كرامتي عندي بالدنيا بس عيالي كسروا قلبي وظهري


راحمتهم


حسبي الله ونعم الوكيل ..