=صاحب رأي سديد]السلام عليكم ورحمة الله وبركاته

وعليكم السلام ورحمة الله وبركاته

ياختي الكريمة بداية الزوجان كما تعرفين جيدا انهما نفسان في جسدان كل نفس لها طبيعتها وطريقتها في الحياة فانت كما ذكرتي تعشقين الجنس وتعشقين الحركات والرومنسيه وزوجك عكسك تماما وهذا ليس خطئك وليس خطئه .
ولكن المفترض توجيه وجهات النظر والطبائع .


كيف يااخي
الكلام سهل لكن كيف عمليا
عن نفسي حاولت التكيف مع القلة
لكن مااقدر على هذا الاسلوب
ماذكرته لكم حقيقي تبوني احلف عليه لتصدقوني اني ماتبلى عليه
على الاقل مني ومنه
وانا اش طلبت
ارجع اقولها اش طلبت

يعني الحريم الي تطلب الذهب والمجوهرات والخرجات والنزهات والسيارات الفارهة والسفر من بلد لبلد واللبس للتباهى به
غير الزوج انه يصير ماعنده شغلة غيرها او انها تسفهه وتمتعه من حقوقه

انا اش طلبت
يعني يوم ذكرت اني ماقصرت معه ماذكرتها لاتباهى بقد ماقصدت بان اعلمكم اني اقوم بواجباتي كزوجة تجاهه


انا ودي يصير بينا تقارب

ياليت ياعني احد يزن على خراب عشه
لكن بهذا الاسلوب صعب

يوم كانت طاقته كبيرة ومتحمسة كان فرحان بي ويعودني على اسلوبه

ولما برد خلاص ابردي معي
كيف هي زر اضغط عليه وابرد

وهل طبيعي التباعد بهذا الطريقة

والله اني خجلانة من وضعي
والمشكلة اني مااقدر اتكلم
اش اقول ان زوجي لاي يرغب بمعاشرتي وانا ارغب اكثر منه

لو الرجل شكى رغم انه فيها احراج لكن ليس مثل المراة

وهذا للرغبة الخاصة

وحتى للامور الاخرى هو افضل من غيره اعني رومانسة على الاقل هو يخرج معي لمطاعم رومانسية صحيح كل المظاهر رومانسية ماعدانا لكن اهو يعمل المطلوب

هو ماعنده روح

كيف تبث روح بانسان

يعني يقوم بكل الواجبات تجاهي بلا احساس بلا متعة واجب عليه يقوم به ياديه ليرتاح ضميره
ياليته يرحيني ويريح نفسه وياواجهني بما فيه

ان كانت اخرى حتى لو صعب علي على الاقل استوعب وافهم
واجهته وقلت له هذا الكلام اعلمني لاتوقف عن محاولاتي لجذبك من جديد
قول لي لابطل محاولاتي

خلاص يااخي احس بالياس
بالياس لان اكون زوجة كما اريد معه
مااقدر اخدع نفسي واقول بتحمل وضع مااقدر اتحمله

انا الان اكتب لكم بهدوء قد يسبق العاصفة

اصبر نفسي لان هذا الموجود ولاجل ابنائي لكن لا اعلم لمتى

وعطيته فرصة وغيرت اسلوبي معه وهاانا انتظر النتائج
احاول مااستعجلها لكني انتظرها

ياختي الله يهديك قرأت جميع كلامك عن زوجك اكثره سب فيه فكيف بتسجمين معه وانت تسبينه . هو في نظرك دائما مقصر .

يااخي الكريم وين اشوف مزااياه وهو تحطيم بي
علىالاقل انا ذكرت اشياء حقيقية فيه
مو هو اللي يهجرني لاجل ماسويت له سندويشة الصباح
ياخذ مني موقف لاني قلت لا تعزم فلان هذا الاسبوع لان عند يارتباط ومايغفر لي انه لما عزمهم بيضت وجهه وبزيادة
ينكر علي كل وقفاتي معه ويقول ماحسك رفيقة حياتي وكل واحد منا بصوب
يقول لي انتما وقفتي معي ابدا


وهو كله نكران والمواقف والفواتير تدل على ذلك

انتوا تسمعون من طرف واحد وماتحملتوا اني كيف اتهجم عليه وهي باشياء فيه ومااتبلاها عليه

فكيف انا وانا لوحدي معه مستفرد بي ويتهجم علي بامور مو فيني وينكرني باشياء كبيرة بيننا رغم اني مافتحتها لكن لانه عارف انه ماعنده حجة ويخاف اني اقولها

وعند اهلي او لو واجهه احد ينكر وكاني وحدة مجنونة تالف كلام

انا فترة صرت اصدق قلت الظاهر عندي اوهام وتهيؤات من اساليبه
لولا ان الله فضحه باعماله لاهلي ولصديقاتي ولمعارفنا

وانعرف اني ياما وياما اتستر عليه وارقع اغلاطه والا هو للان مابينت لكم الجانب السيء فيه

حتى اني افكر كثير كيف تحملته

لكن السبب انه تغير
الغرور بمكانته بمركزه خلاه يشوف نفسه حتى على اهل بيته

مايبي يتذكر ابدا اي شي يذكره انه كان فقير وماعنده
محدث نعمة
ولهذا ماامن جانبه

ماامن انه يمكن لعقده ياخذ وحدة جديدة ماتعرف عنه الا انه الشيخ

هو يبي يعيش المشيخة ويسعى لها
حتى لو على حسابي ماديا لانه ماعنده

ويستغل اسمي واسم اهلي ومكانة اهلي ليبين هو من ومناسب من وعياله من خوالهم

وبنفس الوقت امامي مايحشم اهلي ولا يحترمهم

وامامهم يظهر التودد والاهتمام وانه ابن الاصول اللي يحافظ على بنتهم


بجد انا عايشة تناقض مو قادرة استوعبه

وللان انقل لكم احداث مو احساس
لان احساسي مو مرتاح لكل اللي حوالي

احيانا اقول اني يمكن اضخم مشاعري وهو ماعمل شي

لكن بالعقل والمنطق اش تفسير شي ماله تفسير الا هذا المعنى
وهو غامض

وبعده عني بالفراش يخليني اجن اكثر
اولا لحاجتي
ثانيا انه ليش يتصرف معي كذا
اذا مافيه وحدة بحياته
ولا عنده وسيلة تصريف غيري
ولا مريض ولا ضعيف اذا ليش

كلمته وصارحته والنتيجة مسبات لي وظالمة وجارحة وتنحفر بالذاكرة وماتتنسى

صرت اكرهه
وحتى انا الحين ابعد

وماحس بقلبي الحب القديم له اللي يسامحه

مشاعري له انه ابو عيالي مثل ماهو من زمان همشني لاكون ام عياله

لكني ماكرهت الزواج
ماكرعت العلاقة الجسدية
كرهتها معه وباسلوبه
لكن ماانكر نفسي اجربها مع غيره بحلال الله

لكن ماابي نتيجة انفعالاتي اخرب بيتي
ولا نتيجة شهوات رغم انها مو بس شهوات


وانصحك حاليا بما يلي :

1 ـ اكثري من الدعاء لك ولزوجك .

تم

2 ـ اكثري من الاستغفار .

تم 3


ـ بالنسبة لاختلافك مع زوجك في الجنس اجلسي معه وصارحيه وضحي له ما تحبين وصدقيني بعد فترة هو بيتغير .

صارحته واخبرتكم النتيجة
وتغير سلبيا اخذها تحدي وعناد واني جرحت رجولته

رغم اني راعيت الاسلوب يكون الطف شي
مع هذا هو ماتقبل

4 ـ التغيير يحتاج وقت .


ياليل ماطولك
5 ـ الغي نظرتك السلبية لزوجك وانه مقصر معك حتى ترتاحين .

تحياتي والله يرعاك[/

شكرا لاهتمامك وجزاك الله خيرا