بسم الله الرحمن الرحيم

هحكى لكم حكاية قريبه لنا ......وندخل فى الموضوع بعدها..ممكن؟؟:)

هى حكايه غريبه شويه(على مااعتقد)

وهى انها تزوجت من شخص محترم وعلى اخلاق........ ولكن فجاة طلقها........:(بعد زواج 3 سنوات

ايه السبب ياجماعه ؟ماحدش عارف..وتدخل والدى فى حكاية الصلح....بعد ما والدها طلب منه ومن "الكبار فى العيله"انهم يتدخلوا يمكن ربنا يهدى الحال ويرجعها......
والمهم ان لما سالوا الزوج عن سبب الطلاق قالهم...بتخرج برة كتير.واسباب واهيه تانيه ماتسببش ابدا مشكلة طلاق
المهم رجعوا لبعض..... مرة تانيه........
وبعدها بسنه طلقها تانى........ايه ياجماعه ؟ايه اللى حصل؟
ماحدش عارف....:(

المهم رحت ازورها وفى جلسة بنات زى مابيقولوا..........قلتلها ايه السبب بجد..ونظرا لانى صديقتها المقربه...قالت لى انه لايمارس معها الحب الا مرة فى الشهر او مرتين...بالكتير..

وانها حاولت بكل الطرق
المعروفه والغير معروفه عشان تعرف ايه سبب بعده عنها فى الفراش...وكان يقلها (انتى بنت والمفروض ماتتكلميش فى الحاجات دى)
؟؟؟؟؟؟؟؟؟!!!!!!!!!!

وافتكر انها شهوانيه وكل همها الجنس(وهى حلفت لى انها بتحبه.......وليست لهذه الدرجه اللى بيوصفها بيها)

المهم قالت لى جمله هى سبب كتابتى للموضوع.....وهى

(من غير لف ولا دوران ... ماتفتكريش ان اللى بيطلقوا.. بيكون عشان مشكله من المشاكل العاديه...زى دى بتخرج كتير...وهو مش مهتم بالعيال ولا البيت......وان دايما يكون السبب فى الطلاق مشكله فى السرير.....وهو مايخجل ان يقوله الزوجان....للى بيسالهم انتم تطلقتم لييه؟)


فهل فعلا ان كتير من حالات الطلاق يكون سببها خلل فى العلاقه الجنسيه؟؟
وبلاش نقول دايما زى ماهى بتقول ولكن هل فعلا فيه حالات طلاق بسبب هذه المشكله دون النظر الى الاسرة والاطفال....وانه لما تستحيل الحياه على سرير الزوجيه....تكون سبب فى تدمير البيت؟؟؟؟

وعاوزة رايكم......

وللعلم انا بطرح هذا الموضوع للاستفاده من رايكم......وليس معنى طرحى للموضوع انى مع او ضد هذا الموضوع.....لانى لم اتزوج بعد ولا ارعف المشكلات مابين الزوجين تكون عامله ازاى........

وارجو تنبيهى لاى خطا ورد منى فى كتابه الموضوع وشكرا




مستنيه اارائكم.......