بسم الله الرحمن الرحيم

اطرح مشكلتي لديكم بالمنتدى علي اجد لها حلا :-

تزوجت من فترة بسيطة بزوجة صغيرة في السن من صغرها وهي ( لاتتكلم من شدة إستحيائها )

طبعا تزوجنا وممكن بعض الاياام تمر مانكلم بعض

انا متفهم انها مستحية واحاول اناقشها واسولف معها بس اطول كلمة تقولها لي ( لا , نعم , ايوه )

لو اناظر فيها يمكن يغمى عليها من شدة الاستحياء

لو اقول لها نامي واقفة راح تنام واقفة

نصحتها اقوول لها سولفي طيري السحاء مافيه فايدة

وانا وهي جالسين بالصالة اعطيها الريموت اقوول ممكن تبي قناة غير الي اشاهد ماتاخذ الريموت

وتستحي تغير

طبعا والحمد لله تصلي جميع الصلوات في وقتها تتابع قناة المجد فقط والقرأن في يدها وتقرأ فيه دائما

طبعا ماتعرف تستخدم ماكيااج كشختها نصف نصف ولاتتزين امامي في البيت

مرة انعزمنا عند واحد من اقاربي ووصيته عشان يخبر زوجته تحاول تسولف معها

المهم بعد مارجعنا اتصلت عليه واخبرني ان زوجته ماسمعت من زوجتي الا ( لا , نعم , ايوه )

طبعا انا مليت من الشي هذا ابي اسولف ابي اضحك ابي احس معي شخص ااخر

وصراحة افكر الحين اتزوج الثانية لاني صراحة متضايق من الوضع

أريـــد النصيحة جزاكم الله خير