السلام عليكم
اخواني وخواتي الاعضاء
اتمنى تكونون بصحه وعافيه
حبيت استشيركم بموضوعي
انا عندي 4 ضراير
ههه
اكيد استغربتوا
ضرايري هم اصدقاء زوجي
كلهم عزابيه!!!
وفاضين وما عندهم شغله الا الطلعه والوناسه
وزوجي بطبيعته يحب الوناسه
المهم
يعني تقريبا يوميا سهر ويا الربع ...لل 2 او 3
وكان يتحجج من فتره انه هو ما يحب ينام مبكر..وانه انا وراي دوام وما ارح اسهر معاه
سكت وقلت يالله يا عذوب اصبيري لين ما تجي
ك الاجازه
جت الاجازه وظل على ما هو
وانا كاسره خاطر نفسي !!!! قاعده بهالغرفه لا انيس ولا ونيس....
ولما يرجع اسكت عنه وارد عليه السلام وكافيه خيري شري
يتحركش فيني ...ويراضيني
ويقولي انا
كذا لازم تتأقلمين...ويمكن مع الوقت اتغير
ارد عليه انه انا بعد جذيه وما اقدر اتقبل موضوع سهرك اليومي
وانك الحين متزوج ومسؤول مو عزابي!
وتكرر هالموضوع كم مره وانا ازعل منه لين ما اخر مره قالي ترى انا صبرت على زعل
ك كثير ويمكن المرات ال
جايه ما اصبر!!
طيب شسوي
هل السهر من حقه ! وانا اقعد بين 4 طوف لين
قريب الفجر؟ والله استوحش
ولما ااقوله طيب حل وسط...اسهر بس لين 12 ونص او 1 ما يرضى
انا بعد مو قادره اتقبل الموضوع
؟
نصايحكم يا اخوان ويا اخوات
كيف اتصرف في الموضوع؟
هل اطنش ولا ازعل ولا شو؟؟؟؟
اختي الفاضلة : ارجو قدر الإمكان الابتعاد عن اللهجات المحلية عند كتابة
الموضوع حتى يتسنى لجميع الاعضاء معرفة مشكلتك ..
وفقك الله ..
11-08-2007, 11:24 AM
ضوابط المشاركة
العرض الشجري