إذا قال لي زوجي ..........بماذا أرد عليه؟؟؟
السلام عليكم
اولا اعتذر شكلي غاثتكم بمشاكلي مع زوجي الله يعينكم
عندي أسئلة ..
اليوم قال لي بكرة أنه أخذ أجازة لكي يراجع معاملة بسيطة..قلت له...بكرة ... تماااااام عشان بكرة تروح تجدد لي موعد مع قسم امراض النساء في المستشفى العسكري ((عندي موعد في شهر /1/1428 وفاتني لظروف زواج أخوي في مدينة اخرى..ثم جدده وكان في شهر 4 لكن ايضا فاتني لآني كنت عند امي في الجنوب أواسيها في وفاة شقيقي الأصغر ..وانا من شهر 4 إلى هذا اليوم وانا اقول لزوجي جدد الموعد وهو يقول بكرة بكرة ومرة يقول ما له داعي ))
قال اووووووووف وش تبغين..انا اكره المستشفيات ..
المهم انا زعلت وقلت له ..إلى متى اقعد كذا..خلاص كبر عمري وعمرك..وانا مستنية الاجازة اتعالج فيها وانت ما تهتم..
قال إيه ما له داعي تروحي تتعالجي
..
ثم قال انا مرتاااااااح ومبسوط بحياتي كذا..ما ابغى عيااااااااااال..ما ابغى نكد..خلينا في حالنا ..تكفيييين
بغيت اقوله ان من حقي الشرعي ان تساعدني في السعي للاطفال والعلاجات بس سكت..
بصراااااااااااحة تعبت وياااااااه..ما ادري كيف احمسه للعلاج علما بأن أموري الصحية من لخبطة الهرمونات وما يتعلق بها تحسن كثيييييييييييرا كثيييييييرا ولله الحمد وهو حلل قبل سبع سنوات وكان عنده شوية ضعف والعدد عنده تقريبا 22 مليون (طبعا لنا 13 سنة متزوجين بلا اطفال )
وهو دااااااااايم يقول لما يشوف جارنا في البقالة كل شوي هو وعياله...يقول بعد ما يدخل البيت..مسكين جارنا..وش حده على العيال..بقول له ..انت مجنون خلاص لا عاد تجيب عيال..خسروك و تعبوك
عاد انا قلت لزوجي..تدري ان جارنا هذا يقول لحرمته تبطل حبوب مننع الحمل مع ان بنته الصغيرة عمرها سنتين وكم شهر..يعني هو اصلا يبغى عيال..
قال زوجي ناااااااس مجانين
والله تحطمت من زوجي متشااااااائم ما يبغى يتحمل مسؤولية ما يبغاني اسعى للعلاج ويتكاسل في علاجي وحتى علاجه هو ؟؟
ارجوكم ان تدعوا له أنه يتحمس ويسعى للعلاج
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
حاجة ثانية..مرة زوجي كنا نسولف..قال اصلا غبي اللي يتزوج (والله اني استغرب من الفاظه)
قلت له لييييييييييييش؟؟
قال احسن الواحد يعيش بروحه لا هم ولا هم يحزنون؟؟
قال لو واحد طلب نصيحتي ..بقول له نصيحتي ان لا تتزوج وخلك في حالك
انا صراحة تجننت..وقلت لزوجي..يعني تنسف وصية الرسول صلى الله عليه وسلم (يا معشر الشباب تزوجو الودود الولود ..فإني مكاثر بكم الأمم يوم القيامة ) او كما قال عليه السلام
وقلت له حديث نبوي ثاني
قال إيه ..بس الحين الحياة صعبة
وقلت له حراااام عليك..وبصراحة والله قلتها وقلبي يتقطع
اقسم بالله اني مراعيته لآخر مراعاة ..ما احضر زواج قرابتي عشان ما (اخسره ويشتري لي فستان) ما اطلب منه اشياء احتاجها من وصفات شعبية لغرض الحمل إلا بعد ما احسب له الف حساب..ما اطلبه طلبات زي العالم..والله اخواتي وأخواته مستواهم احسن من مستواي ولبسهم احسن من لبسي ولا اقول شيء.. حتى لما توظفت مؤقتا واحتجت ملابس ما شريت غير بلوزتين لآني استحيت صراحة (طبعا باقي ما استلمت الراتب لحد الآن)..ما عندي اكسسوارات كلها من عند اخواتي ..واشياء ثانية كثييييييييييرة كثيييرة
انا ما اطلبه فوق طاقته ويشهد علي ربي
واصلا هو الحمد لله راتبه زين بس شكله ما فيه بركة طبعا هو يدفع 1500 قسط شهري
انا تجننت ..يقول ان الزواج مكلف وتعب وطفش وانا والله ما اطلب منه شيء يستاهل..وحتى الحين يقول لي..متى تتزوج اختك ونفتك..قصده المصاريف..
انا اذا تكلفت بس في زوجات اشقائي و شقيقاتي فقط..وهناك زوجات تقرب لنا كثيييييييييير لا نذهب لها لآن ......والمشكلة لما اقوله ...ليييييييش تقول كذا ..يعني انا مكلفتك ..مخسرتك.؟؟
يقول لي لا...انتي تمام..بس اخاف تتأثرين بالحريم؟؟
الله يهديه ..الله يهديه ..تعبت منه..
بالله لو كانت وحدة زوجها معقد كذا ..وش تقول له وش تشوي له ؟؟
انا احبه وراضية بكل شيء معاه..بس انه يقول ان الزواج شين..وانه غبي عشان تزوج..هذه احسها اهانة لي انا شخصيا..
معليييييييييس سامحوني وادعوا لزوجي
وادعوا لنا بالذرية الصالحة
اسأل الله العظيم رب العرش الكريم ان يهديه ويصلحه و يحببه في الاطفال وفي العلاج
وأن يغفر لجميع المسلمين الاحياء منهم والاموات
لا إله إلا أنت سبحانك إني كنت من الظالمين
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب
التعديل الأخير تم بواسطة غلا 2005 ; 31-07-2007 الساعة 09:17 PM
31-07-2007, 09:08 PM
ضوابط المشاركة
العرض الشجري