سيدي الفاضل

أشكر مشاركتك ووقتك الثمين الذي ضيعته في كتابتك وفي ظلمي!!
والله ياخي حز في نفسي كثيرا جدا جدا جدا الي قلت
يكفي الي فيني .. لاتزيد الحمول تكفى..

اسمح لي برد عليك وادافع عن نفسي
لكن ليكون بيننا عهد ياتعتذر لي اذا بان لك خطاك في حقي يااعتذر لك اذا كنت انا مخطئة

بسم الله الرحمن الرحيم

1- انا قمة التواضع بشهادة الكل
ياخوي ليه اكون مغرورة وانا من تراب ومردي لتراب!!
انا واثقة من نفسي ولست مغرور لاني عارفة وش سويت لهذا الشخص وبشهادته هو نفسة
فحرام عليك ياخوي ادعيت علي شيء ليس بي
انا اتنازل للكل والي اقل مني ، لاني مابي الا دعوة صادقة بظهر الغيب
تدري!!
كثير ينقال لي بعد ماادخل مع الشخص .. تصدقين كنت احسبك مغرورة وشايفة نفسك بس لما اختلطت معك صرتي غير وطيبة كثير
والحمد لله كثير ادخل مع الناس ويرتاحون لي والا لو كنت مغرورة ماكنت اجتماعية ومحبوبة من الكل
فياريت اخوي تسحب كلمتك لانها غلط.

2-ياخي لاني مريضة ولاشيء الله يهديك بس

انا ماني عايشة ببئة ارستقراطية ولاشيء

لكن بالعربي انا حضرية وهو اصله بدوي!!! أوكي اتمنى انك فهمت!!!!!
والبدو يختلفون عن الحضر نوعا ما في بعض التصرفات، فأنا التصرفات الي اشوفها طبيعية وعادية مع الكل يشوفها هو ماتنفع وغلط ، رغم ان هذي التصرفات هي نفسها الي اتصرفها مع اهلي وهو عارف طريقتي من البداية، وانا والله ماني متفتحة لهدرجة ابدا لكن هو يستغرب مني كل شيء بناء على بيئتة ومجتمعه ويقارني بطريقة اخواته بالعيش.

الله يسامحك جرحتني وانا مااستاهل...

3-تركي للحبيب اسطوانه مشروخة!!!

ياخوي حرام عليك
انا تحديت العالم كله لعيونة
تحديت امي وابوي
عاديت الكل عشانه
انطقيت!!!
انحرمت من كل شيء
حتى دراستي انحرمت منها وضاع من عمري سنتين
كل هذا عشانه وكل هذا عشان حاجة وحدة بس يبونها
كان الوالد يبي مني كلمة وحدة أقوله خلاص الموضوع انتهي، لكني كنت عند كلمتي ووعدي له
وابوي يعرف ان علاقتي ماهي لعب وان المطلوب زواج على سنة الله ورسوله
والا لو كذا قال مراهقة والا لعب وبتنسى
انا صار لي شيء ماصار لاحد
انا للاسف انسانة مريضة الان واعترف بهالشيء واتمنى من قلبي ارجع مثل اول
من ضغط الى قلق واكتئاب حاد حتى العلاجات النفسية استخدمتها
اضافة الى الضعف واختلال الوزن
سقوط اكثر من نصف شعري
اصبحت انطوائية لا اخرج بالشهر مرة او مرتين
ومن يشوفين يقول مريضة والا يقول متغيرة
تصدق كذا مرة ناس يشوفوني اول مرة يقولون انتي فيك حزن رغم اني كنت اتصنع البسمة
ياخي كل هذا و تقول تخليت عنه!!!!!!!!!!!
انا سويت شيء ابن ابوه مايسوية
سويت شيء الرجال ماتسويه
فيكفي الله يخليك لاتخليني اقول أكثر
تدري!؟
اكتب الحين وانا لحالي والاهل مسافرين كل شيء بهالحياة فقدت طعمه
لكن ما اقول الا مايوجس النار الي واطيها

اما سالفة السحر يااخي اتقي الله عشان مايبلاك
ان مو من هالبنات الي تصدق اي شيء والا من الحريم الموسوسات
تبي الصراحة كان فيه سحر وكان عندي بغرفتي وانا لما رتبت غرفتي رميت وانحل باذن الله بس مافهمت مين حاطه لي
هذه مو خربطة ياخوي هذا حقيقة والشيخ قاله!!
والله العظيم أني ماكنت اقدر انام من دون ماسمع صوته ، ولمايسافرون مااسافر لاني عارفة ماراح اقدر اكلمة وبالتالي راح انحرم من النوم
كنت انجن بهالانسان جنون
تصدق كل مسج وصلني منه من 6 سنوات الى اخر يوم احتفظ فيه.. معقول فيه احد يسوي كذا!!
انا لما يجيب لي شكولاته والا علبه بيبسي تدري وش اسوي فيها!؟
احفظها عندي ماارميها !! معقول فيه احد بهالجنون!! يحتفظ بزباله!!
انا فلوسي كلها اصرفها عليه احرم نفسي عشان اشتري له

والله العظيم يااخوي انا نمت وبعد ماصحيت فجأة امسح كل شيء بقلبي له ، ياخوي اذا انا مو مصدقة لحد الان الي صار تبي انت تصدق معذور ماالومك!!!!

كل ماتذكرت سالفتي قلت سبحان الله ، كل ماقمت أو قعدت قلت سبحان الله
تدري ابوي لو يشوفني بالفستان الابيض ومتزوجه الي يبه هو ماراح يصدق اني خليت هذاك لأن يعرف وش سويت عشانه ويعرف كثر ايش حاربت لاني احبه، قبل فترة قلت له تطمن خليته ، تدري وش قال !!
قال كذابه والله محد يصدق

انا مابي شيء بهالدنيا الا حاجة طبيعيه انا ابيها مو انغصب عليها والا انسحر فيها

انتظر ردك سامحك الله
وجزاك الله كل خير واتمنى ان الصورة وضحت لك