المشاركة الأصلية كتبت بواسطة حاملة الهم

السلام عليكم ورحمة الله وبركاته

اسمح لي اخوي برد عليك قبل لا اقرا كل الردود مع انه مش عادتي احب الم بكل التفاصيل قبل لاارد .. لكن اسمح لي هاليومين وقتي جداً ضيق ...

صراحة احوي وايد تأثرت بقصتك .. صج هي وايد مؤثرة لكن اللي اثر فيني انه البنت من بلادي ..

اخوي انا اشعر انه اللي صار في زوجتك .. خوف ورهبه لعده اسباب .. اسالني انا عن ربعنا واهلنا مادري هل ف قطر والا كل مكان .. يسوون العلاقة الزوجية .. شبح .. والله ياخوي انا قبل ما اتزوج وانا ع الكوشه جاتني وحده وقالت لي .. الله يعييينك تعرفين الـ--- شنو .. والله سكييين تقطعك من الالم ..

بس الحمدلله انا وزوجي كنا متناقشين في هالموضوع فترة الملكه وامي كانت قايله لي انك بتسمعين كلام وايد فلا تلقين له بال ..

ويمكن اخوي لانها تركت اهلها .. فيعني زواج جديد .. وغربه فالبنت شوي تضاربت مشاعرها ..

عشان جي اخوي .. اتصل عليها .. وقول لها انك تبي تعيد شهر العسل .. وقول لها انسي سالفة الجماع .. انا احبك لاجلك .. ويصبر لو شنو ..

وقول لها انا عندي لك مفاجأت ف هالسفرة ماتخطر ع البال ..

وطبعا قول لها انه المفاجأت مالها خص بالجماع ..يعني شوقها انها تسافر معاك ..

وعاد طبعا ماوصيك من تركبون الطياره تبدا بمفاجأتك وانا بقول لك كيف ...

اشتر لها من اي مكان في المطار او من الكويت شوكولاته .. وانتو ف الطباره استأذن منها اتروح الحمام الله يعزك وكلم المضيفه وقول لها تجيب الشوكلاته بدال السويت اللي يتقدم ف الطياره ... مع بطاقة .. اكنب فيها انه يعني انتي غير عن الناس .. وماينعطى لك نفس الباقي ..

وطبعا حاول طول الطريق تدلعها وتقول لها كلام حلو ودلع ..

وحاول قد ماتقدر تحسسها انك تحبها عشانها مش عشان العلاقة ..


ولما توصلون مصر ان شاء الله كثر من الاكلات البحريه ..

وحاول انت تقعد قدامها ببجامات حلوة ومغربه ترى الرجال يقدر يغري المرة مش البنت بس اللي تغري ..

وقول لها قومي اكشخي لي .. وتغزل في جمالها وجسمها ..

اخوي اسمح لي كلامي اشوي مخربط بس لي عودة قريبه ...

بنتي ماشاء الله عليها قاعده تحن وانا ابي اكتب ومطنشتها تتنرفز اكثر ..


الله يبارك لكم وييسر لكم ان شاء الله ..