المشاركة الأصلية كتبت بواسطة عمري بدا

_____________

ههههههه

مرة انا كنت نايمة وقبل النوم كنت متهاوشة معه .. بس هوشة خفيفة (قاللي كلمة رديت عليه بكلمة ،، بعدين قاللي كلمة ،، وقلت "يابنت اسكتي ونومي بس وخلي هالليلة تعدّي على خير ")


المهم ،، نمت وتعمّقت في النوم .. بس الله لايوريكم .. شفت كابوس وانا نايمة .. وحلمت انه جالس يطقّني (يضريني)

المهم

الظاهر هو جالس جنبي ولا نام .. بس قاعد يشوفني وانا اتهاوش مع البطانية واعفسها .. واصرخ .. وحالتي حالة ..


هو المسكين حاول يصحيني من النوم .. ومسكني بس انا نص نايمة ونص صاحية .. حسيت به وهو ماسكني وعلى بالي انه جالس " يخنقني" ويزيد انفعالي .. واروح امسك يده (منطقة الذراع) مسكتها بقوة وغرست اظافري فيها .. بكل قوتي ..


هو المسكين فكّني (وش فكّني الا رماني ) من شدة الالم ..

بعدها صحيت .. وقاللي هو (سمّي بالله وش فيك ) قلت له (وخّر) !! لأني متأكدة انه كان يضربني ..

المهم رجعت انوم وانا حالفة انه ضربني واقول في نفسي " طيب ليش مااستنى لين اصحى من النوم " " ماعرف يضربني الا وانا نايمة "؟؟


وجا الصبح .. وترررررررررررررن المنبّه .. اوووووف دوام .. بعدين تذكّرت اللي صار ..

ورحت اسوي له الفطور ..

واتجهز للدوام ،، ولما حطّيت له الفطور اشوف يده مجرّحة من معركة امس .. خخخخ

وبعدين عاد تأسفت له وقلت عسى مااذيتك واجد ..

قاللي انتي عارفة انا عمري مامديت يدي على احد .. قلت والله عارفة بس كابوس عاد شنسوي ..


اوعدك بعوّضك عن اللي شفته ..

والحمدلله عدت على خير زين ماجاتك في مكان ثاني .. في عينك ولا في خدّك .. تسلم لي عينك ..


شكراً