أنا فتاه ابلغ من العمر 26 سنه
انخطبت من شاب في مثل عمري له مميزات جيده بالنسبه لي دين وخلق ومن عائلة كريمه وتمت الخطبه لمدة تقارب الخمسه أشهر وبعد ان تم كل شيء
وارتحت له جدا وارتاح لي وفهمنا عن بعض اشياء كثيره عن طريق الاهل
(مع العلم اني كنت استخير يومياً وكنت احس بالراحه من ناحيته)
بعد ماوصلنا للنهايه والملكه وتحديد الزواج طلب من أبوي الملكه حالياً(وتأجيل الزواج بعد سنه كامله )ابوي عصب عليه
وانه ماكان هذا اتفاقنا وفسخ ابوي كل شيء !!
حاول يتصل في ابوي لكن ابوي مارد عليه..
بعدها صدمت بذلك الشيء وساءت حالتي النفسيه جداً لأني ارتحت له كثييير و(ماقدرت انساه)خصوصا اني اتكلمت معه وقت الشوفه
وسبب سوء حالتي النفسيه أني لاأعرف سبب طلبه للتأجيل ولماذا يخطبني من الاساس اذا كانت هذي رغبته
طلبت من اخته انه يوضح لي وش السبب لانه حتى اخته ماكانت تعرف السبب
ارسل لي رسائل يوضح لي الاسباب وانه من حقي ان اعرف الاسباب لانه خاصه به هو
حتى اهله وهم اهله لايعرفون سبب رغبته بالتأجيل (وهي ظروف ماديه حدته على ذلك وان عليه قرض ومستلزمات ماديه من المفروض عليه انهائها قبل الزواج)
ولايستطيع الزواج الا بعد انهائها وانه شاريني لكن الظروف قويه حدته على هالشيء!!
وكان من الصعب عليه انه يرجع وويطلب التأجيل مره ثانيه من ابوي لانه ابوي رفض رفض قاطع !!
--------
بعدها بفتره قصيره تقدم لخطبتي الكثير وانا ارفض وارفض لانه حالتي لاتسمح لي بتقبل الموضوع في تلك الفتره
وحالياً بعد مرور شهرين ..تقدم لخطبتي شاب أيضا في مثل عمري أيضا على خلق ودين ومن عائلة كريمه ..
عجب اهلي جدا ووضحوا لي انه مستحيل يرفضونه تعبوا مني ومن كثر ماأرفض
وهالمره ماراح يسمحون لي بالرفض ويضغطون علي كثير علشان اوافق..ويقولون لي انه ربي ممكن يعاقبني لو رفضته هالمره بدون سبب
لانه برأيهم الشاب (مافيه اي عيب علشان ينرفض) مع انه مواصفاته مشابهه لمواصفات الخطيب الأول..
استخير يوميا وماوصلت لشيء..
.....
وانا متردده جدا (لاني تعلقت كثيرا بالخطيب الاول وصعب انساه خصوصا اني اعرف انه يبغاني وبقوه ومايتمنى الا أنا)
وانا حاطه في بالي انه ظروفه راح تنتهي بعد سنه كامله وراح يرجع يتقدم لي مره ثانيه (عرفت هالشيء عن طريق رساله ارسلها لي)
لكن انا مااعرف ردة فعل أبوي هل راح يتقبله والا لأ؟؟؟
مع اني طلبت منه برساله انه يقابل ابوي حاليا ويوضح له سبب التأجيل بالتفصيل وظروفه اللي حدته على هالشيء !!!
لكن هو خايف ينرفض مره ثانيه خصوصا وانه مايقدر يطلب التأجيل بعد ماسدها ابوي في وجهه
وهو خايف انه ابوي يقول له يازواج الحين او مافيه..


اريد حلاً........
الله يخليكم أرشدوووووووووووووني انا تعبت من التفكير
هل استسلم للأمر الواقع واقبل بالخطيب الثاني ؟؟ (خايفه اني مااقدر انسى الخطيب الاول واظلم االخطيب الثاني معي)؟
ام أرفضه (مع اني مااتوقع انه اهلي راح يطاوعوني ) واجلس انتظر الخطيب الاول بدون مااقول لأحد برغبتي هذي لانه طلب مني الانتظار وانه ماراح يتخلى عني !!