السلام عليكم ورحمة الله وبركاته


اخواني اول شي اقولكم اني اشكر كل عضو في هذا المنتدى الرائع جدا واللي وضح فيه انو كل واحد يحاول انه يدلي بدلوه فيه لحل المشاكل الزوجيه.

اخواني بصراحه انا من زمان كنت ادخل الموقع وانا شايف انو ماشاء الله فيه تطور واضح.


ممكن اللي يقرا موضوعي يقول هذا ماله دخل في عالم المتزوجين . بس انا من وجة نظري المتواضعه اطرحه للازواج على وجه الخصوص.

صح انو هذي اول مشاركه لي في هذا القسم بس حبيت اني اطرح وجهة نظري وارجو انو يكون لها ردة فعل ايجابيه.

كنت اتصفح كثير في هذا المنتدى من زمان واغلب المواضيع اللي يطروحاونها الرجال فيها كيف ارضي زوجتي وكيف افرحها وكيف اسعدها وكيف اعاملها احسن معامله .


كيف ارجعها ....كيف ارضيها......كيف اعيش احلي حياه معاها.....وكيف ....وكيف.....وكيف

بصراحه انا عندي من مشاكلي الزوجيه اللي االله عالم فيه بس الله يصلح الحال....



حياتي ياامي ياروح وحبي هذى المرأه المسكينه اللي تفديني بروحها .

اخواتي النساء كلكم او خلينى اقول اغلبكم امهات . اكيد تعرفون شعور الامومه تجاه الولد؟

امي اذا شافتني اضحك ضحكت لضحكي اوذا شافتني متكدر تتكدر لكدري واذا شافتني فرحان الدنيا ما تشيلها من الفرح.

احنا يامعشر الرجال اش سوينا لها واش قدمنا لها واش نحس تجاهها .

احنا اذا زعلت زوجاتنا اش نسوي ونجري عشان يرضون واش يصير حالنا اذا كانت فيه مشكله والا حاجه بسطه مكدره علينا اش نسوي.......سبحان الله

امي اذا اهديتها شي بسيط كيف تحافظ عليه وكيف تفتخر فيه وكيف يكون شعورها تجاه ولدها .

في الحقيقه الام مهما تسوي لها وتحاول انك تكون بار فيها مراح تعطيها الشي اليسير من اللي سوته فيك


ليه احنا همنا كله ارضاء الزوجات وننسى- الا مارحم الله- الام.


انا كمان مخطئ وما ابرء نفسي بس حبيت اني طرح الموضع لعل الله يجعلنا نستفيد منه جميعا.


تخيلي ايتها الزوجه لو ان ابنك بعد زواجه ينساك او لا يعاملك المعامله اللي تحبينها كيف حيكون شعورك.؟

ليه ما تشوفي كيف انو الزوج يجري ويلهث وراء زوجته وبنفي الوقت ينسى امه . تخلي انك تلك الام . اش راح يكون شعورك..

الرجل لازم يكون له فسحه عشان يقدر يوفق ويقدر يرضي جميع الاطراف.

الهم احفظ امي وارزقها فسيح جناته وادخلها الجنه من غير حساب.


اتمنى التوفيق للجميع وراجو اني اوصلت الرساله بالشكل المطلوب.

تحياتي