مجموعه منكم عارفه إني مريضه بفيرس الورم الحليمي--HPV وهذا الرابط كتذكير

[url]http://www.66n.com/forums/showthread.php?t=81781[/url]

[url]http://www.66n.com/forums/showthread.php?t=92615[/url]

طبعاً حالياً أسوي مسح للفيرس ولسرطان الرحم في السنه مرتين! عمليه مقرفه ومليت من هذا الشئ!!

يوم السبت الماضي عملت المسح و النتائج بعد 10 أيام..

حالتي النفسيه زفت...ومزاجي متعكر ومالي خلق لأي شئ وأفضل السكوت! أفكاري متشتته وما أقدر أركز!
أحس بضغط وإكتآب!

لما أشوف بنتي أرتاح شوي وأتناسي........أما زوجي فما أدراكم به!! هو مش من النوع إللي يواسي ويطبطب ويرفع المعنويات.........أصلا وصلني للعياده وهو مايعرف ليش أصلا أنا رايحه ولا سألني لهذي اللحطه! يشوفني إني متغيره بس ولا همه!

ما أنكر إني أدعي ربي بأن تطلع النتائج بسرعه وتتصل فيني الدكتوره وتقولي" بينت النتائج بأنك مصابه بسرطان الرحم"..........والله العظيم إني لما أشوف زوجي أقول في خاطري [COLOR="Red"][COLOR="Red"]إن شاءالله[/COLOR] [/COLOR]أكون مصابه بسرطان الرحم علشان أخليك تحس بتأنيب الضمير...........ولما أشوف بنتي أقعد أبكي وأقولها ( كيف بيربيك أبوك إذا سبتك معاه ومع أهلك؟)

لما أقعد أدعي ربي بأن أكون مصابه ...أسأل نفسي ليش أدعى على حالي؟ بعدها ضميري يجاوبني:-
1) علشان تبي تتقربي من ربك أكثر وأكثر
2) علشان تعذبين زوجك
3) علشان خايفه بأنك تفشلين من تربية بنتك وأولادك في المستقبل التربيه الصالحه



فإتخذت القرار...

إذا النتائج بينت إني مصابه بسرطان الرحم راح أطلب الإنفصال وماراح أتعالج وراح أروح بيت أهلي الدافء وأموت وأنا بين الأشخاص إللي يحبوني..........وإذا فكرت بأن أتعالج فماراح أرجعله لسبب واحد وهو ( إني ولله الحمد مش مقصره في حقه وهو يشهد بهذا الشئ ولكن مازال يخوني...وما أبي أرجعله وأنا ناقصه (يعني ما أجيب عيال)........ما أبي أكون حمل ثقيل عليه--- والكل يعرف علاج السرطان يهد الحيل ويغير الشكل وووو................يمكن تقولون هذا تفكير طائش.......ولكن للأسباب الثلاث إللي ذكرتهن ...الصراحه أبي هذا المرض!


يالله خلاص فضفضت وأحس براحه:) والله لا يصيبكم ولا يصيب غاليكم بمكروه